Monday, May 1, 2017

දේව වේද පුරාණය නම් වන සිංහල කතෝලික වේද කාව්‍යය

ජාකොමේ ගොන්සාල්වෙස් පියතුමා ගෝවා නුවර බමුණු කුල දෙගුරුනට දාව 1676 වසරේ උපන්නේය. එතුමන් ගෝවේ සාන්ත පාවුළු විශ්ව විද්‍යාලයේ උපාධිය ලබා ගැනීමෙන් අනතුරුව වසර 1700 දී ඔරිතෝරියානු නිකායේ පැවදි  විය. පසුව ජුසේ වාස් පියතුමන් අනුගමනය කරමින් ලංකාවට පැමිණියේ එවකට ඕලන්ද පාලකයන්ගෙන් පීඩා විඳි ලාකීක කතෝලිකයාගේ ධර්ම සේවය පිණිසය.  එතුමන් ලංකාවට පැමිණියේ 1705 වසරේ ඉන්දියාවේ දී තමාට පිළිගන්වන ලද මහාචාර්ය ධුරය ප්‍රතික්ෂේප කරමිනි.

එතුමන් මෙ රටට පැමිණි කාලයේදී  ලාංකීය කතෝලිකයනට යාච්ඥා, දහම් රීති, ගීතිකා ඇතුලත් සිංහල පොත්  නොතිබුණෙන් ජුසේ වාස් පියතුමන්ගේ මග පෙන්වීම යටතේ සිංහල භාෂාව ඉගනීමට යොමු වුනේය. මහනුවර භික්ෂුන් වහන්සේලා සහ උගත් ගිහියන් ඇසුරු කිරීම මගින් ගොන්සාල්වේස් පියතුමාට සිංහල සාහිත්‍ය ග්‍රන්ථ සහ ශබ්ද කෝෂ පරිහරණයට අවස්ථාව ලැබිණ. කලක් තිස්සේ  සිංහල භාෂාව සහ සාහිත්‍යය උගත් එතුමන් කිතු දහම ගැබ් කොට සිංහල පොත් විසි හයක් ලීවේය. උගතුනට වියත් බසින් ද සාමාන්‍ය ජනතාවට ලිහිල් බසින්ද ලියු ග්‍රන්ථ මේ පොත් විසිහය අතර වෙයි. බයිබලයේ සංක්ෂිප්ත විස්තර, අටුවා ධර්මෝපදේශ, අනුශාසනා, සුද්දවරයන්ගේ චරිත සහ පෙළහර, තාපස භාවනා, ප්‍රස්ථාව පිරුළු, බැතිගී වන්නම් ආදිය එතුමන්ගේ ප්‍රබන්ධ වලට විෂය පථය වී ඇත. 

ගොන්සාල්වෙස් පියතුමා විසින් රචිත විශිෂ්ඨම ශාස්ත්‍රීය කෘතිය ලෙසින් පිලිගනුයේ පිටු 312කින් සමන්විත පෘතුගීසි සිංහල දෙමල ත්‍රී භාෂා ශබ්ද කෝෂය ය.

ජාකොමේ ගොන්සාල්වෙස් පියතුමා ලියූ ග්‍රන්ථ වලින් බහුතරය ගද්‍ය ප්‍රබන්ධයෝය. ඉතා ස්වල්පයක් වූ පද්‍ය රචනාද එතුමන් සම්පාදනය කර ඇත. පද්‍ය නිර්මාණ අතර ඇති ආනන්ද කලිප්පුව ලියා තිබෙන්නේ වන්නම් ආකාරයටය. මේවා එකක් වත් සිංහල කාව්‍ය වංශයට අයත් වන්නේ නැත. නමුත් සිංහල කාව්‍ය සමයට සර්වාප්‍රකාරයෙන්ම ගැලපෙන සුවිසල් වේද කාව්‍යයක් එතුමන් ප්‍රබන්ධ කර තිබේ. කවි පන්සීය විසි අටක් ඇතුලත් පිටු තුන්සිය අසූ දෙකකින් සමන්විත දේව වේද පුරාණය එම කාව්‍යය ය. දේව වේද පුරාණය බොහෝ කාලයක් අත් අකුරින් තිබී 1871 වසරේදී මොරටුවේ පදිංචි මහ විදානේලාගේ දොන් බොනී පාසිව් ප්‍රනාන්දු මහත්මිය විසින් මුද්‍රණය කරවා ප්‍රකාශයට පත්කර ඇත.    

ගොන්සාල්වෙස් පියතුමාගේ මවු බස කොන්කණි භාෂාවය. මේ බස සංස්කෘත භාෂාවෙන් ව්‍යුත්පන්න වුවකි. ඒ භාෂාවෙන් රචිත ක්‍රිස්තියන් පුරාණ නමැති පද්‍ය ප්‍රබන්ධය පරණ ගිවිසුම සහ අළුත් ගිවිසුම අන්තර්ගත සිද්ධීන් සහ ධර්මෝපදේශ කවි 1092 කින් සමන්විතය. ගොන්සාල්වෙස් පියතුමන් දේව වේද පුරාණය ලිවීමේදී මේ ග්‍රන්ථය ඇසුරු කරන්නට ඇති බව 1713 ඔරතොරියානු සභා වාර්තා වල දැක්වෙයි. නමුත් දේ මව්ගේ විලාප පිලිබඳ දේව වේද පුරාණයේ දැක්වෙන වර්ණනාවට සමාන කිසිවක් ක්‍රිස්තියන් පුරාණයේ දක්නට නැත. එහෙත් කොන්කණි බසින් ලියවී ඇති ගෝවේ ප්‍රචලිත ගර්න්තයක් වන පුරාන් නමැති පොතේ මෙවැනි විලාප වලට හුරු විස්තරයක් ඇත. එසේ වී නමුදු ගොන්සාල්වෙස් පියතුමා තම කාව්‍යයට රස කවා ඇත්තේ සිංහල දේශීය සාරයෙනි. 

දේව වේද පුරාණය බයිබලයේ කොටසක හුදු පද්‍ය රචනයක් නොවේ. එය කිතු දහමත් ක්‍රිස්තුස් වහන්සේගේ චරිතාපදානයත් සිංහල කවි සම්යානුකුලව දේශීය දර්ශනයටත් සංස්කෘතියටත් කුල වැද්දීමට ගත් උත්සාහයක ප්‍රතිපලයකි. 

- ආචාර්‍ය එඩ්මන්ඩ් පීරිස් (නි.ම.නි.) රදගුරු තුමාගේ ලිපියක් ඇසුරිනි- 

බ්ලොග්කරු ගේ සටහන:- ලාංකේය සාහිත්‍යයේ ක්‍රිස්තියානි ලකුණ පෙන්නුම් කරනා මෙවන් සාහිත්‍ය කෘති සාමාන්‍ය ජනතාව අතර  දැනුවත් නොවීම කනගාටුවට කරුණකි. මෙවන් සැඟවුණු කෘති පිලිබඳ කෙටි විස්තරයක් හෝ පාසල් විෂය නිර්දේශ වලට එක කරන්නේ නම් අප රට දරුවන්ගේ දැනුම වර්ධනයට බෙහෙවින් ඉවහල් වනු ඇත.

17 comments:

  1. ලංකාවේ අධ්‍යාපන ක්‍රමය ගැනනන් කතා කරලා වැඩක් නෑ... කිව්වත් වගේ සා.පෙ. ට මේ වගේ ඒවයින් කුඩා කොටසක් හරි එකතු කරානම් වටිනවා... අනික සා.පෙ. දි උගන්නන දේවල් වල සත්‍යාසත්‍යතාවය ගැනත් කුකුසක් තියෙනවා... මන් අන්තිමට ලිව්වේ ඒ වගේ සිද්ධියක් ගැන... හොද ලිපියක් අයියේ...

    සිංහල සාහිත්‍යාවලියේ ක්‍රිස්තුස්වහන්සේ නමදිමින් ඇරඹෙන ප්‍රථම සිංහල කාව්‍ය තමා අලගියවන්න මුකවෙටි තුමා විසින් රචිත කොන්ස්තන්තීනු සටන... ඒකෙ මෙහෙමයි තියෙන්නේ...

    බර කර අරුත මෙන
    වෙනස් නොමපෑ පව තින
    පිතු පුත් වීදි යන
    තෙවක් එක් සුර වඳිමි අදරින

    මෙත් ගුණ පිරි නඳුන්
    වඳිමි ජේසු ක්‍රිස්තු සමිඳුන්
    කන්නිමරි කුසයෙන්
    පහළ සුරිඳුන් වඳිමි බැතියෙන්

    ReplyDelete
    Replies
    1. අලගියවන්න මුකවෙටි තුමා ගැන ලියන්න හිතා ගෙන ඉන්නේ තවම කරුණු හොයාගෙන ගොනු කරලා ඉවර නැහැ

      Delete
  2. //බ්ලොග්කරු ගේ සටහන:- ලාංකේය සාහිත්‍යයේ ක්‍රිස්තියානි ලකුණ පෙන්නුම් කරනා මෙවන් සාහිත්‍ය කෘති සාමාන්‍ය ජනතාව අතර දැනුවත් නොවීම කනගාටුවට කරුණකි. මෙවන් සැඟවුණු කෘති පිලිබඳ කෙටි විස්තරයක් හෝ පාසල් විෂය නිර්දේශ වලට එක කරන්නේ නම් අප රට දරුවන්ගේ දැනුම වර්ධනයට බෙහෙවින් ඉවහල් වනු ඇත.//

    ඔන්න බොලේ පැන්නලු බළලා මල්ලෙන් එලියට
    ක්‍රිස්තියානි මූලධර්මවාදීන් බ්ලොග් හරහා ආගම ප්‍රචාරය කරන්න එකතු වෙලා ඉන්නවාට මීට වඩා උදාහරණ අවශ්‍යද? මේ කල්ලියේ දැනට පස් දෙනෙක් විතර එළිපිට ඉන්නවා ඉතිරි අයවත් ඉදිරියේදී ඔවුන්ගේ අවලං වැඩ එක්කම හෙළිදරව් කරනවා.
    Xx Xxx Xxxx

    ReplyDelete
    Replies
    1. AnonymousMonday, May 01, 2017 11:26:00 AM

      බුද්ධාගම ඉස්මුරුත්තෙට ගිය දේවදත්ත නිකායේ ඇනෝ පකයෙක්.
      බුදුන් වහන්සේටත් නැති ගායක මේකා ට තියෙන්නේ බුද්ධාගම ගැන.

      කවදාහරි මෛත්‍රී බුදුන්ට ගල් පෙරලන්නේ මේ වගේ සක්කිලි තමයි.

      මුන්ට වඩා ආගම දන්නා වෙන එකෙක්වත් නැහැ බලන් ගියාම.

      අඩෝ ඇනෝ පකයා, තොගේ ඔය මහලොකු හිංගල-බුධාගම දෙකට නමලා පුකේ ගහ ගනින්..


      ----------
      ජීවන මහත්තයෝ ..සොරි වෙන්නොනේ..

      Delete
    2. විභීෂණ, ඔය තරම් තරහ ගන්න එපා

      Delete
  3. හොඳ ලිපියක්, ඇත්තටම කවි කිහිපයක් හරි පල කරන්න පුළුවන්වුනා නම් නියමයි !!!

    ReplyDelete
    Replies
    1. ඇන්ටනි ප්‍රනාන්දුපුල්ලේ පියතුමා ළඟ මේ පොතේ කොපියක් තියෙන්න ඕන. පුළුවන් උනොත් මුළු පොතම ගුගල් බුක්ස් එකට දාන්නම්

      Delete
  4. මේ පොත් ගැන වැඩි විස්තර හොයාගත හැකි ක්‍රමයක් තියෙනවද?

    ReplyDelete
    Replies
    1. මේ පොතේ කොපියක් ඉස්සර මා ලඟ තිබුනා සුනාමියට විනාශ වෙච්චි පොත් අතරින් එකක්.
      මම දන්නා විදියට කොළඹ අනු නායක ඇන්තනි ප්‍රනාන්දු පුල්ලේ පියතුමා ළඟ කොපියක් තියෙනවා ස්කෑන් කොපියක් ඉල්ලා ගන්න පුළුවන්.

      Delete
  5. ස්තුතියි සටහනට ... මම ඉස්කෝලේ යන කාලේ අපේ 7 වසරේ සිංහල අච්චු පොත පටන් ගත්තේ අනගාරික ධර්මපාල තුමාගෙන් .. හරිම ෂෝයි ආදර්ශය ළමයින්ට .. ජාතිවාදී වර්ගවාදී අදහස් ඔලුවට දාන්න .. ක්‍රිස්තියානි ආගමට පහර ගහන්න .. අපේ අයියා ඉස්කෝලේ මට වඩා අවරුදු 3ක් ඉස්සරහින් හිටියේ .. එයාලට තිබ්බේ වෙනමම පෙළපොත් .. එකේ තිබිල මම ඒ කාලේ ඔන්න ශ්‍රී රාහුල හාමුදුරුවන් ගැන කියෙව්වා .. හරියට නිකම් ඔප්පු කරලා වගේ අර මහා පට්ට පල බොරුව ... අපේ ශු . ෆ්‍රැන්සිස් සේවියෙර් මුන්න්ද්‍රයන්ගේ නොදිරන සිරුර එයාගේ ය එක පෘතුගීසි ගොවෙට අරන් ගියාය කියන කෙප්පය එකේ තිබ්බ ... ඔන්න අපේ සිංහල පෙළ පොත් හදන එකලගේ අපිට තියන ආදරේ .. එකම එක පාඩමක් තෙරේස මව්තුමිය ගැන තිබ්බ .. එකට ඉතින් අපිට සිද්දවුනා හැම අව්රුද්දේම එක එක බොරු ජාතක කතා නම් ඉගෙන ගන්න ... ඉතින් කොහෙද ජාකොමේ ගොන්සාල්වෙස් පියතුමා පෙළ පොත් වලට එන්නේ

    ReplyDelete
    Replies
    1. දිල්, අපේ පෙළ පොත් වල තියෙන ප්‍රශ්නය ක්‍රිස්තියානි ආගමික කෝණයකින් ගන්න එපා. ළමයින්ට දෙන්න ඕන මුලික දැනුම හරිම පටු ආකල්ප සහිහව තමා මේවයේ තියෙන්නේ. අඩු ගානේ සෙන් කළා සම්ප්‍රදාය, දැනට පවතින චීන, ජපන් සියම් බෞද්ධ සම්ප්‍රදායන් ගැනවත් නැහැ. යුරෝපයේ බුදු දහම ව්‍යාප්තිය සහ පර්යේෂණ ගැන කියවෙන්නේ නැහැ.

      Delete
    2. මුලින්ම ජීවන් ගෙන් සමාව ඉල්ලනව මේ කොමෙන්ට් එකට. ජාතක කතා බොරු කියල දිල් කියනවනම් බයිබලයෙ හැරමිටි සර්පයො කිරීම් සත්තු මවපුව අහසින් මන්නා දාපුව වතුරවයින් කරපුව බොරු කියල කෙනෙක් කියන්න පුලුවන්.
      අනගාරික ධර්මපාල කතාවට එකඟයි.දිල් කියන්නෙ මූලධර්මවාදී ක්‍රිස්තියානිකාරයෙක්.

      Delete
  6. යුරෝපයේ බොදු පුනරුදයක් ගැන කතා කරන අයට ගොඩක් වෙලාවට යුරෝපයේ සමාජීයය, අධ්‍යාත්මික සහ දාර්ශනික වෙනස් වීම් ගැන ඒ හැටි අවබෝධයක් නෑ .. ඔහේ කියන්නම් වාලේ කිව්වට ඒක හරියට බැලුවොත් සැබෑ බොදු ප්‍රගතිය යුරෝපයේ නොගිනිය හැකි තරම් සුළු ප්‍රමාණයක්.. අවරුදු 15ක් යුරෝපයේ රටක ජීවත් වෙන කෙනෙක් හැටියට එක කියන්න පුළුවන්. ප්‍රංශ විප්ලවය ඇතිකළ සමහර ආකල්ප ටිකෙන් ටික පරිනාම වුන. 19 වැනි සියවසේ යම් දාර්ශනික කුහුලක් බොදු දහම පිළිබද ඇති වුන බව ඇත්ත . එයට හේතුවත් කිතුනු සභා වලින් කල ඉගැන්වීම් වලින් නිදහස් වීමක් ලෙස බොදු දහම දැකීමයි . 19 වැනි සියවසේ ඇති වුනු අතීතය සෙවීමේ , ආරක්ෂා කිරීමේ සහ පෙරදිග ගුප්ත දේ සෙවීමේ කුතුහලයක ප්‍රතිපලයක් ඒක . පරිණාමවාදී අදහස් පැතිරීයාම, අදේවවාදී සංකල්පය පැතිරීම වගේ දේවල් මේ අතර අමතක කරන්න බැහැ . බ්ලවට්ස්කි වගේ අය ගුප්ත දේ සෙවීමේ උනන්දුවක් තිබ්බ අය .
    ලෝක යුද්ධ 2 කින් පස්සේ යුරෝපයේ සිදුවුණු ආර්ථික, සමාජීය වෙනස්කම් විශේෂෙන්ම බටහිර ධනවාදය කිතුදහම කෙරේ ඇතිකළේ යහපත් බලපෑමක් නෙවේ. එය කිතුදහමේ වැරද්දක් නෙවේ .. සමාජීය වෙනස් කම් ... අතේ සල්ලි වැඩි වෙනකොට ලංකාවේ උනත් අගමැ දහම අමතක වෙන අය ඕන තරම් ඉන්නවා . මේ අතර සංස්කෘතිකමය, සමාජමය විප්ලවයක් 68 සිදු වීම සහ ඊට සමගාමිව කතෝලික සභාවේ සිදුවුණ දෙවෙනි වතිකානු මන්ත්‍රණ සභාව මේ හැම දෙයක්ම අතින් ඇත බැද ගත්ත. 68 විප්ලයවය එතෙක් තිබ්බ සියලු සමාජීය සංස්කෘතික බැමි බිදගෙන නිදහස් ලෝකයකට යන මතවාදයක් දරාගෙන ආවේ . තිබ්බ පීඩනයට එරෙහිව අව රැල්ලක් කියන්න පුළුවන්. එහි අතුරු පලයක් විදියට පෙරදිග රටවල යන්ත්‍ර මන්තර , ගුප්ත දේ, නැත්නම් සුවය, සැනසීම, සුඛෝපබෝගී ජීවිතේ අංගයක් හැටියට දක්වන්න උත්සහයක් ආව.. වෙළෙන්දන් මේ දෙය මර්කට් කරන්න ගත්ත.. අදටත් තියෙන්නේ මාර්කට් වෙන අමුතු බුදු දහමක් මිස හරි බුදු දහමක් නෙවෙයි මෙහෙ . එනිසමි වතු වල ගෙවල් වල දොරකඩ බුදුරුප තියාගෙන මිනිස්සු ඉන්නේ .. නැත්නම් බුද්ධ බාර් , බුද්ධ spa ඇතිවෙලා තියෙනෙත් .. නිදා ගන්න කෝට්ටේ , ඇද ඇතිරිල්ල , අතපිස්නය සේරටම බුදු රුව දාන්නේ .. මොකද කිසිම අවබෝධයක් නැතුව ගොඩක් වෙලාවට ධනාවාදී සුඛෝපභෝගී ජීවිතේ කොටසක් , අභාරණයක් හැටියට එක යොදා ගන්න නිසා.. එක දැනගෙන් අ දලයි ලාමා වගේ ය බෞද්ධ ආගමේ සමහර ආකර්ශනීය දෙවිතරක් මෙහෙට කියනවා .. ව්‍යාපාරික ලෝකයක්.. සාමාන්‍ය යුරෝපිය ජාතිකයන්ට බුදු දහම කියන්නේ ඕනෑම ලිංගික ක්‍රියාවක් අනුමත කරන , ඕනෑම ජීවිත ක්‍රමයක් අනුමතකරන .. නීති රීති කිසි දෙයක් නැති දෙයක් හැටියට තමයි හැගෙන්නේ .. හරියටම කිව්වොත් හැම දේම ok ... කතෝලික පල්ලියේ අනිත් පැත්ත හැටියට දකින නිසා සමහරු අගය කරනවා .. නමුත් එයාල දන්නේ නෑ බුදු දහමේත් අපාය සංකල්පය තියනවා .. නැවත ඉපදීම දුකක් හැටියට සලකනවා කියල .. එයාල හිතන්නේ නැවත ඉපදෙන්න තියනවනම් කොච්චර ශෝක්ද ආයේ මෙහෙම් අ සැප විදින්න පුළුවන කියලා ... එකෙන්ම තේරෙනවා දැනුම කොහොමද කියල .. කලාතුරකින් කෙනෙක් ඇති තේරුම් ගත්තැහැ .. නමුත් යුරෝපයේ එහෙම මහා පිබිදීමක් නම් නෑ .. මෙහෙ පන්සල් පවත්වාගෙන් අ යන්නේ අපේ ලංකාවේ දායකයෝ මිස මෙහෙ නෙවෙයි .. හමුදුරුවරුම උයාගෙන කනවා ගොඩක් වෙලාවට මොකද දානයක් ලැබෙන්නේ අපේ කෙනක් දුන්නොත් තමා.. ආසියාවේ කතෝලික ක්‍රිස්තියානි ආගම ව්‍යාප්ත වෙන වේගයෙන් සියට සැම එකක් වත් මෙහෙ බුදු දහම ව්‍යාප්ත වෙනෙන් නෑ .. ගොඩක් වෙලාවට වෙන්නේ ලංකාවේ ප්‍රචාර කිරීම් විතරයි .. හරියටම කිව්වොත් මේ මිනිස්සුන්ට කිසිම ආගමක් අවශ්‍ය නෑ ... කිතුනු වේවා , බෞද්ධ වේවා මෙහෙ යට වැඩක් නෑ .. අලුතෙන් එන මුස්ලිම් සරනාගතයෝනම් එන්න එන්න වැඩි වෙනවා .. අ ලුතෙන් මුස්ලිම් පල්ලි හැදෙනවා .. එයාල එයාල අතරම ජීවත් වෙනවා මිස මෙහෙ සංස්කෘතිය භාර ගන්න ලැස්ති නෑ .. වැඩි වෙනවනම් වැඩි වෙන් අ මෙහෙ එකම වර්ගය ඔවුන් .. ඒකත් ඉපදීම් තුලින්

    ReplyDelete
    Replies
    1. මේ කතාවට නම් එකඟ වෙන්න පුලුවන් බොහෝ දුරට, ඇත්තටම යුරෝපයෙ බුද්ධාගම ප්‍රචාරය කරන එකම මහ විහිලුවක්. යුරෝපීය සංස්කෘතියට බුද්ධාගම ගැලපෙන්නෙ නෑ. සමහරු කියනව දැන් යුරෝපෙ ඇමරිකාවෙ ගොඩක් බුද්දහගමට හැරිල කියල. ඒ අහිංසකයො ඇත්තටම ඒව විශ්වාස කරනව . පවු කියල හිතෙනව ඒවට නම්. මෙහෙ උන් හීනමානෙ හින්ද කවුරුහරි සුද්දෙක් මොකක් හරි කිව්වොත් හිතන්නෙ ඌ බුද්ධාගම වැළදගෙන කියල.

      හැබැයි දේවවාදී ආගම් ඒ තරම් කල් පවතින්නෙ නෑ. ඒක දේව වාදය කියන්නෙ ස්වයන් යෝජනාවක්. දැන් දිල් වාගෙ අයගෙ යටිහිතට දාල දෙවියෙක් ඉන්නව ඒ දෙවිය දිල් වෙනුවෙන් දිවිපිදුව කියල. දැන් ජීවනල වගෙ අය ඉන් ඔබ්බාට් ලෝකයක් හිතනව. නමුත් දිල් වගෙ අය පරිනාමය පිලිගන්නෙත් නෑ. අවුරුදු 6000 කට පෙර ලෝකය මැව්වලු. ඊට පෙර දේවල් පරන විදියටමලු මැව්වෙ. ඒ කියන්නෙ ඩයිනෝසර පොසිල වාගෙ එව්ව මවල තියෙනෙන් පරන විදියටමලු .ඒක දෙවියන්ගෙ පරීක්ෂාවක්ලු.

      සැකයක් ආවොත් යාඤ්ඤා කරන්නලු. ඒ කියන්නෙ යටිහිතට ස්වයන් යෝජනා කරන්න කියන එක.

      බයිබලය ත්‍රිපිටකය කුරානය මේ හැම දෙයක්ම මිනිස්සු ලියපු කතා.

      ඔය දිල් කාලෙකට පෙර දාපු කොමෙන්ට් එකක් මෙතන පලකරන්නද. නොදන්නාකම නිසා ඊශ්‍රායලයට දොස් නොනගන්න. ඊශ්‍රායලය යනු ආශීර්වාදලත් සෙනගක් " මෙන්න මෙහෙම. බයිබලයෙ තියනවලු ඊශ්‍රායල්කාරයන්ට දොස් කියන අයට දෙවියො ශාපකරනව ඊශ්‍රායල්කාරයන්ට හිතවත් අයට ආශීර්වාදකරනව කියල මොකක්ද මගුලක්.

      බලන්න මේ දිල් වගෙ අය මොනතරම් වහල්ලුද කියල.

      Delete
  7. අන් ආගමිකයෝ දන්නෙ නැතිවෙන්න පුලුවන් එත් හොදට මතකතියා ගන්න කතොලික ආගමෙ කිසිම ඉගැන්වීමක් වත්මන් විද්‍යාවට විරුද්ධ නැ කතොලික ආගමෙ සැම ඉගැන්වීමක්ම විද්‍යාවෙන් නිවැරැදි කියලා තහවුරු වෙලා තියනවා ඇත්තටම විද්‍යාව විතරක් නෙවෙයි මනොවිද්‍යාවෙන්ද තහවුරු වෙලා තියෙන්නේ ඉතින් කොහොමද මෙ ඉගැන්වීම් බොරුවක් කියන්නෙ සාක්ෂිත් එක්ක සනාථ වෙලා තියෙන්නේ කිතුනුවා කියන්නෙ අබිරහස් එක්ක ජිවත් වෙන කෙනෙක් එ අබිරහස් වල සත්ත්‍ය බාවය ආරක්ෂා කරන කෙනෙක් .

    ReplyDelete
  8. එ වගෙම කතොලික බයිබලයේ කොතනකවත් දෙවියන් වහන්සේ කාටවත් සාප කරනවා කියලා නැ එ වගෙම ඉශ්යෙල් ජනතාව ආශිර්වාදිත ජාතියක් තමයි කතොලිකයා කියන්නෙ එදා විදිහට නම් ඉශ්රායෙල් ජාතිය තමා.අපි කවදාවත් දෙවියන් වහන්සේට වහල් වෙලා හිටියෙ නැ අපිට නිදහස් කැමැත්ත තියනවා උන්වහන්සේ වහල්ලු වෙලා හිටිය මිනිස්සුන්ව වහල් කමින් මුදවා ගත්තු දෙවි කෙනෙක් දෙවියන් වහන්සේ ගැන අනවශ්‍ය මිත්‍ය මත පතුරුවන අයට ලෙසියෙන් ගැලවෙන්න බැහැ ☝️අනතුරු ඇගවිමයි හොදට මතකතියා ගන්න

    ReplyDelete