සංගීත චාරිකාවක් 21 - Clout නම් වූ කාන්තා සංගීත කණ්ඩායම

අද පොස්ට් එක සංගීත තැටි මිලියන ගණනක් බෙදාහැරීමට් සමත්වූ රොක් සංගීත කණ්ඩායමක් ගැනයි. මෙම සංගීත කණ්ඩායමේ විශේෂත්වය නම් කණ්ඩායමේ සියලුම සාමාජිකයන් කාන්තාවන් වීමය. කල්වුට් සංගීත කණ්ඩායම තරුණියන් පස් දෙනෙකු විසින් 1977 වසරේ බිහි කරනුයේ දකුණු අප්‍රිකාවේ දීය. මෙය රොක් සංගීත ශෛලිය තුල තම නිර්මාණ බිහිකළ කණ්ඩායමකි. මෙම කණ්ඩායම බෙහෙවින් ජනප්‍රිය වුයේ Substitute නම් ගීතයෙන්.

මුල් කණ්ඩායම ගිටාර් වාදනයෙන් Cindy Alter විසින්ද, බේස් වාදනයෙන් Lee Tomlinson විසින්ද, ඩ්‍රම්ස් වාදනයෙන් Ingrid Herbst ද රිදම් ගිටාර් වාදනයෙන් Jenni Garson සහ කී බෝඩ් වාදනයෙන් Glenda Hyam ද පෝෂණය කරනු ලැබුවා. මීට අමතරව කණ්ඩායමේ සාමාජිකාවන් සියලු දෙනා දක්ෂ ගායිකාවන් ද වුවා

කලවුට් කණ්ඩායමේ අතිශය ජනප්‍රිය Substitute ගීතය Willie Wilson විසින් Righteous Brothers කණ්ඩායම සඳහා නිර්මාණය කරන ලද්දක්. මෙම ගීතය කලවුට් විසින් 1978 වසරේදී ප්‍රතිනිර්මාණය කොට ගායනා කරනු ලැබුවා. එම නිර්මාණය දකුණු අප්‍රිකාව, ඔස්ට්‍රේලියාව, නවසීලන්තය, ජර්මනිය, ප්‍රංශය, නෙදර්ලන්තය, ස්වීඩනය, ඔස්ට්‍රියාව, ඩෙන්මාර්කය සහ බෙල්ජියම යන සියලුම රටවල ගීත දර්ශකයන්හි ප්‍රථම ස්ථානයට පැමිණුනා. මෙය එක්සත් රාජධානියේ එකල දර්ශකයේ (UK Singles Chart ) දෙවන ස්ථානයට පැමිණි අතර එම දර්ශකය තුල සති පහළොවක් ගීතය ස්ථානගතව තිබුනා. තවද මෙම ගීතය එක්සත් ජනපදයේ Billboard Hot 100 දර්ශකයේ 67 වන ස්ථානයටද පැමිණුනා.

මෙම කණ්ඩායමේ Save Me, You've Got All of Me, සහ Under Fire වැනි ගීත යුරෝපීය Top 10 singles දර්ශක වල ස්ථානගත වුනා.




Save Me,

 You've Got All of Me

 Under Fire

1981 වසරේදී ඇමෙරිකානු ගායක දෙපලක් වන Hall and Oates ගේ Portable Radio ගීතයද ක්ලවුට්ස් ප්‍රතිනිර්මාණය කර ගායනා කල අතර ඉන් ටික කලකට පසුව කණ්ඩායම විසිර ගියා.

Portable Radio

චාරිකාව තව දුරයි.
විසි දෙවන කොටසින් හමු වෙමු.

සංගීත චාරිකාවක් 20 - Nitty Gritty Dirt Band

අපි පාසල් යන කාලේ නිතර ගුවන් විදුලියේ ප්‍රචාරය වූ An American Dream ගීතය අහම්බෙන් ගී පොතක් තිබීල හම්බ උනා. මේ ගීතය ගායනා කරන Nitty Gritty Dirt Band වසර 50ක් පමණ කාලයක් ගීත ගායනයේ යෙදී සිටින අතර වාදකයන් බොහෝ ගණනක් වරින් වර වෙනස් වූ නමුදු තම අනන්‍යතාව නොවෙනස්ව මේ අඩසියවසක දීර්ග කාලය තුල රැකගත් කණ්ඩායමක්

කන්ට්‍රි, ෆොක් සහ රොක් යන ශෛලී තුල ගීත රැසක් ගායනා කල Nitty Gritty Dirt Band කැලිෆෝනියා ලෝන්ග් බීච් හි ආරම්භ කරනුයේ 1966 වසරේදීය. කණ්ඩායමේ සමාරම්භකයන් වනුයේ ගිටාර් වාදකයකු සහ ගායකයකු වන Jeff Hanna සහ ගිටාර් වාදකයකු, ගායකයකු මෙන්ම ගීත රචකයකු වන Bruce Kunkel දෙදෙනාය. මේ දෙදෙනා McCabe's Guitar Shop නම්වන සංගීත භානඩ අලෙවි සැලේ ප්‍රසංග සඳහා සහභාගී වන අතරදී හමුවන වොෂ් ටබ් බේස් වාදකයකු වන රැල්ෆ් බර්, ගිටාර් සහ ක්ලැරිනට් වාදකයකු වන ලෙස් තොම්සන්, හාමොනිකා සහ ජග් වාදකයකු වන ජිමී ෆාඩන් සහ ගායකයකු මෙන්ම ගිටාර් වාදකයකු වන ජැක්සන් බ්‍රවුන් යන හතර දෙනා එකතු කොටගෙන Nitty Gritty Dirt Band නමින් ජග් සංගීත කණ්ඩායමක් පිහිටුවා ගන්නවා. මුල් යුගයේ මෙම කණ්ඩායම ප්‍රාදේශීය සමාජ ශාලා සඳහා සංගීතය සැපයීමට පටන් ගන්නවා.

 
මාස කිහිපයක් තුල ජැක්සන් බ්‍රවුන් කණ්ඩායමෙන් ඉවත්වීමත් සමග ජෝන් මැකන් ඔහුගේ තැන ගන්නවා. මේ අතර ජැක්සන් බ්‍රවුන්ගේ සහෝදරයා කණ්ඩායමේ කළමනාකරු බවට් පත් වන අතර ඔහු ලිබර්ටි තැටි සමාගම සමග ගිවිසුමකට එලබීමට සමත් වනවා. කණ්ඩායමේ මුල්ම ඇල්බමය Nitty Gritty Dirt Band නම් වන අතර එහි Buy for Me the Rain නම් ගීතය Top 40 දර්ශකයට ඇතුලත් වීමට සමත් වනවා.

සංගීත කණ්ඩායමේ දෙවන ඇල්බමය වන Ricochet පළමුවැන්න තරම් ජනප්‍රියත්වයක් ලඟා කරගන්නේ නැහැ. මෙවිට කණ්ඩායම තුලට විදුලි සංගීත භාණ්ඩ එකතු කරගත යුතුබව පෙන්වා දෙන Bruce Kunkel විසින් 1968 වසර දී විදුලි සංගීත භාණ්ඩ සහ ඩ්‍රම් එකතු කරනවා. කෙසේ වෙතත් ඉන් පසු එළිදක්වන Rare Junk, සහ Alive නම් ඇල්බම් දෙකම වාණිජ වශයෙන් අසාර්ථක වනවා.

1968 වසරේ තිරගත වන For Singles Only සිනමා පටයට රංගන දායකත්වය ලබාදීමත් සමග කණ්ඩායම ජනප්‍රිය වන අතර 1969 දී Paint Your Wagon සිනමා පටයට ගයන Hand Me Down That Can o' Beans ගීතය ඉහල ජනප්‍රියතාවක් ලබා ගන්නවා.

ඉන් අනතුරුව ටික කලෙකට අකර්මන්‍ය වන සංගීත කණ්ඩායම 1970 වසරේ Uncle Charlie & His Dog Teddy ඇල්බමය එලි දක්වනවා. කණ්ඩායමේ වඩාත්ම ජනප්‍රිය ගීත වන Jerry Jeff Walker නම් ගායකයාගේ Mr. Bojangles ගීතයේ නව ගායනය සහ House at Pooh Corner ගීතයේ නව ගායනය මෙම ඇල්බමයේ ඇතුලත් වනවා. Mr. Bojangles ගීතය Billboard's හි සර්වකාලීන Hot 100 දර්ශකයේ නව වන ස්ථානය අත්පත් කරගන්නවා.

Mr. Bojangles

House at Pooh Corner

1977 වසරේදී රුසියාව, ආර්මේනියාව, ජෝර්ජියාව සහ ලෑට්වියාවේ ඇති සාර්ථක සංචාරය Nitty Gritty Dirt Band විසින් සිදු කරනුයේ සෝවියට් රුසියාවේ සංචාරය කල ප්‍රථම ඇමෙරිකානු සංගීත කණ්ඩායම බවට පත් වෙමින්. මෙම සංචාරය මිලියන 145ක ජනතාවක් නරඹා ඇති බවට ගණනය කොට තිබෙනවා.


Nitty Gritty Dirt Band හි තවත් ජනප්‍රිය ගී කිහිපයක්

Some of Shelly's Blues

Cosmic Cowboy

All I Have to Do Is Dream

Fire in the Sky

චාරිකාව තව දුරයි
විසිඑක් වන කොටසින් හමුවෙමු

'තඹර සර'

'තඹර සර' සිසු ප්‍රතිභා ගී සැඳෑව සැප්තැම්බර් මස 5 වනදා කළුතරදී

   
කළුතර සිරිකුරුස විද්‍යාලය ප්‍රථම වරට සංවිධානය කරනු ලබන ''තඹර සර'' සිසු ප්‍රතිභා ගී සැඳෑව සැප්තැම්බර් මස 5 වනදා විද්‍යාලයීය ශ්‍රවනාගාරයේදී පැවැත්වේ. විද්‍යාලයීය සිසුන්ගේ වාදන කුසලතා විදහා දැක්වෙන මෙම ප්‍රසංගය සඳහා ප්‍රවීන ගායක ගායිකාවන් රුසක් සහභාගී වනු ඇත. මෙහි ප්‍රධාන ආරාධිතාව ලෙස චිත්‍රපට අධ්‍යක්ෂිකා සුමිත්‍රා පීරිස් මහත්මිය සහභාගී වීමට නියමිතය.

වසර 114 ක කීර්තිමත් ඉතිහාසයකට හිමිකම් කියන කළුතර සිරිකුරුස විද්‍යාලයේ 6 වසරේ සිට 10 වසර දක්වා සිසුන්ගෙන් සැදුම් ලත් පෙරදිග වාදන වෘන්දය ගී සැඳෑව සඳහා සංගීතයෙන් දායක වනු ඇත. සුනිල් එදිරිසිංහ, එඩ්වඩ් ජයකොඩි, චරිතා ප්‍රියදර්ශනී පීරිස්, රෝහණ බෝගොඩ වැනි ප්‍රවීන කලා කරුවන් මෙම වේදිකාව ගීතවත් කරනු ඇත.

කළුතර සිරිකුරුස විද්‍යාලයේ විදුහල්පති ආචාර්ය ගරු කැමිලස් ප්‍රනාන්දු පියතුමාගේ සංකල්පයකට අනුව මෙම ප්‍රසංගය වේදිකා ගත වේ. පාසැල් සිසුන්ගේ සංගීත දැනුම වර්ධනය කර ජාතික තලය දක්වා ඔවුන් ඔසවා තැබීම මෙම මෙහෙවරේ අරමුණ වේ.

සංගීත චාරිකාවක් 19 - ජග් සංගීත කණ්ඩායම් (Jug Band)

සාම්ප්‍රදායක නොවන සංගීත භාන්ඩ යොදාගෙන වාදනයේ යෙදෙන සංගීත කණ්ඩායම් විශේෂයක් ජග් සංගීත කණ්ඩායම් නැත හොත් Jug Band නමින් හඳුන්වනවා. මැටි බරනියක් හෝ වීදුරු බූලියක් කණ්ඩායමේ එක සංගීත භාණ්ඩයක් ලෙසින් භාවිතා කිරීම මෙම සංගීත කණ්ඩායම් වල විශේෂත්වයයි. මෙම වර්ගයේ සංගීත කණ්ඩායම් 1920 දශකයේ ජනප්‍රියත්වයට පත්වී තිබුනා. පසු කලෙක බීට්ල්ස් නමින් ප්‍රසිද්ධවූලොව අග්‍රගන්‍ය සංගීත කණ්ඩායම් ආරම්භය Quarrymen Skiffle Band නම් වූ ජග් සංගීත කණ්ඩායමයි. කන්ට්‍රි, ෆොක් සහ රොක් යන ශෛලීන් හි ගීත නිර්මාණ රැසක් බිහිකළ Nitty Gritty Dirt Band ආරම්භ වනුයේද ජග් සංගීත කණ්ඩායමක් ලෙසයි. පැරණි ජග් සංගීත කණ්ඩායම් බොහොමයක සංගීත ශෛලීය Rock and Roll ආරට නෑකම් කියනවා.

( මේක හමුවුණු හොඳම වීඩියෝ එකමෙතනින් යන්න)
Playing The Jug at the Wilson County Fair

ජග් සංගීත කණ්ඩායම් වල තවත් විශේෂත්වයක් වනුයේ සංගීත භාණ්ඩ බොහොමයක් නිවසේම සාදාගැනීමයි. මෙම සාම්ප්‍රදායික නොවන සංගීත භාණ්ඩ වලට අමතරව ගිටාර, වයලීන, මැන්ඩලීන් සහ බැන්ජෝ වැනි තත් භාණ්ඩ මෙම කණ්ඩායම් භාවිතා කරනවා. සාම්ප්‍රදායික නොවන සංගීත භාණ්ඩ ලෙස රෙදි සෝදන තහඩු බේසම් වලින් සාදා ගන්නා Washtub Bass, රෙදිසේදීමේ උපකරණයක් වන Washboard, ලෝහ සහ ලී හැඳි, හිස් ටින්, ආහාර පිසිනා ලෝහ හට්ටි, හිස් තේ පෙට්ටි වලින් සාදා ගන්නා Tea Chest Bass යොදා ගන්නවා.

Jug
මැටි බරනියකට හෝ වීදුරු බුලියකට කටින් හුලං පිඹීම මගින් බේස් ස්වර පරාසයක හඬක් ජග් සංගීත භාණ්ඩය මගින් උපදවනවා. මෙහිදී වාදකයා බුලීයේ කටට අඟලක පමණ ඇතින් මුඛය තබාගෙන තොල් මගින් පුරු ශබ්දයක් ඇති කරන ගමන් බූලිය වෙත සුලං පිබිනවා. කිසිවිටෙකත් තොල් මුඛයේ ගාවන්නේ නැහැ. බූලිය තුල හිස් අවකාශයේ දෝංකාරය නිසා තොල් වලින් ඇති කරන ශබ්දය විස්තාරණය (Amplify) වනවා.

Tea Chest Bass
හිස් තේ පෙට්ටියක් , නයිලෝන් ලනුවක් සහ කොසු මිටක් යොදාගෙන සාදා ගන්නා බේස් පෙට්ට්ය අප රටේද කලකට පෙර භාවිතයේ පැවතියා. මුහුදු කරයේ නත්තල් කැරොල් සඳහා පෙරකළ අනිවාර්ය සංගීත භාන්ඩයක් ලෙස මෙය හඳුන් වන්න පුළුවන්. මෙම ප්‍රථමික සංගීත භාණ්ඩය යුරෝපය තුල විශේෂයෙන් බ්‍රිතාන්‍යය සහ ජර්මනිය තුල භාවිතා කොට තිබෙනවා. එබැවින් ලංකාවට බේස් පෙට්ටිය හඳුන්වා දුන්නේ යුරෝපීයන් බව සිතිය හැකිය.

Washtub Bass
රෙදිසෝදන තහඩු බේසමකින් සාදා ගන්නා මෙම වර්ගයේ සංගීත භාණ්ඩ දෙවර්ගයක් පවතිනවා එක වර්ගයක් Tea Chest Bass මෙන්ම හිස් තේ පෙට්ටිය වෙනුවට අනෙක් පස හරවා ගත් බේසම යොදවාගෙන වාදනය කරනවා. අනෙක් වර්ගය සුසර කර හැකි තත් යොදවාගෙන ඩබල් බේසයක් මෙන් වාදනය කරනවා. මෙහි තත් එකේ සිට හතර දක්වා සංක්‍යාවකින් යුක්ත වනවා.

Washboard
රෙදිසේදීමේ උපකරණයක් වන Washboard පුවරුවක් දිදාල දැමූ ඇඟිලි වලින් පිරිමැදීමෙන් පර්කෂන් ශබ්ද උපදවා ගැනීමට යොදවා ගන්නවා. Washboard පුවරු මෙරට ප්‍රචලිත නොවීම නිසා මෙය අපට ආගන්තුක ලෙස දැනෙනවා.

චාරිකාව තව දුරයි
විසි වෙනි කොටසින් හමු වෙමු

ඇනෝ පොලීසිය හෙවත් බ්ලොග් පොලීසිය

දම්පාට දේදුන්නට ආපු ඇනෝ කොමෙන්ට් එකක් හන්දා මේ පොස්ට් එක ලියන්න හිතුන.

මම බ්ලොග් ලියන්න පටන් අරන් ටික කලක් උනාට අවුරුදු තුන හතරක ඉඳල කියවනවා. ( ලියාගන්න බැරි උනේ සිංහල ටයිප් කරගන්න බැරුව හිටපු හන්දයි, වෙලාව පිලිබඳ ප්‍රශ්නය හන්දයි)

මම දකින දේ තමයි බොහෝ දුරට ඇනොල තමයි බ්ලොග් වල නීතිය සහ සාමය ආරක්ෂා කරන්න ඉන්න නොනිල පොලීසිය.

මේ පොලීසියේත් හොඳ රාළහාමිලා වගේම ගංජා ට්‍රාන්ස්පෝට් කරන, කුඩු විකුණන, කප්පන් ගන්න රාළහාමිලා වගේ උනුත් ඉන්නව. ඒ වගේම බ්ලොග් ලියන උනුත් හොරා පොලිස් සෙල්ලම කරනවා

හොඳ රාළහාමිලා කවුරු හරි වැරදි දත්ත දෙනකොට පටස් ගාල නිවැරදි කරනවා.

ඉන්දියන් ටයිප් රාළහාමිලා ඕන අහිංසකයෙක් අල්ලගන පොලුවලින් ගහල මස් කරලා දානවා

ගංජා ට්‍රාන්ස්පෝර්ට් කරන රාළහාමිලා අනුන්ගේ කොන්තරාත් කරනවා. පස්සේ අම්ම්මෝ නැතුව බැනුම් අහනවා

කුඩු විකුණන රාළහාමිලා හොඳට නැගල යන සංවාද අතරට පැනල සංවාදය විනාස කරනව නැතිනම් වෙන පැත්තකට හරවනවා.

කප්පන් ගන්න රාළහාමිලා බ්ලොගාලව බයකරනවා තර්ජනය කරලා වෙනත් දේ හෙළි කරනවා කියල

ප්‍රභූ ආරක්ෂක රාළහාමිලා බ්ලොග් ලෝකේ ලොක්කන්ට කඩේ යනවා. හැම තිස්සෙම ආරක්ෂා කරන්න බලනවා.

හොරා පොලිස් රාළහාමිලා තමන්ගේ බ්ලොග් එකට තමාම අනෝ වෙනවා.

මේ මොන ජාතියේ රාලහාමිලා හිටියත් පොලීසිය වහන්න බෑ වගේම පොලීසියෙන් වෙන සේවය මිල කරන්නත් බෑ

ඇනොලගෙන් වෙන සේවයත් ඒ වගේම තමයි

සංගීත චාරිකාවක් 18 - The Charlie Daniels Band

ලොකු පුතා චාලි ඩැනියල්ස් ගේ කන්ට්‍රි රොක් සින්දුවක් වන Drinkin' My Baby Goodbye හොයාගෙන ප්‍රක්ටිස් කරන්න ඕන කියල මට පෙන්නුවා. හොඳ තෝරාගැනීමක් උනත් නියම වයලීන් පාරක් යනවා කියල කිව්වම දෙන්න හිතුන ඔලුව හිල් වෙන්න. මේකට තාම වයලීන් එකයි රවුකිඤ්ඤයයි අඳුනා ගන්න බැහැ. කොහොම උනත් මට පොස්ට් එකක් ලියන්න නිමිත්ත සෙට් උනා.

ගී පද රචකයෙකු, ගිටාර් සහ රවුකිඤ්ඤ වාදකයකු වන චාලි ඩැනියල්ස් බෙහෙවින් ප්‍රසිද්ධ වුයේ ඔහුගේ The Devil Went Down to Georgia නම් වූ ගීතයෙනි. 1950 දශකයේ මුල් භාගයේ සිට සංගීතයේ යෙදුනු ඔහු 1969 සහ 1970 වසරවල තැටි ගත කෙරුණු Bob Dylan ගේ ඇල්බම් තුනක ඉලෙක්ට්‍රික් බේස් වාදන ශිල්පියා ඔහු ලෙස කටයුතු කලේය

චාලි ඩැනියල්ස් සිය ප්‍රථම ඒකල ඇල්බමය පිට කරනුයේ 1971 වසරේදීය. 1973 වසරේ ඔහුගේ Uneasy Rider ගීතය Billboard Hot 100 දර්ශකයේ නව වන ස්ථානයට පැමිණින. මේ කාලයේදී Marshall Tucker Band හේ ගීත ඇල්බම පහක රවුකිඤ්ඤ වාදනය කල ඔහු වාදකයකු වශයෙන් ඉමහත් ජනප්‍රිය විය. 1975 වසරේ The South's Gonna Do It Again නමින් Southern rock නම් සංගීත ශෛලීය පිළිබඳව ගැයූ ගීතය බෙහෙවින් සම්භාවනාවට පාත්‍ර උනා. තවද එම වසරේම Long Haired Country Boy ගීතය minor hit in that year වශයෙන් නම් කෙරුනා.

The South's Gonna Do It Again

Long Haired Country Boy

 

1979 වසරේදී චාලි ඩැනියල්ස් හොඳම කන්ට්‍රි ගායනය සඳහා වූ ග්‍රරැමී සම්මානය ලබාගනුයේ The Devil Went Down to Georgia නම් ගීතයටය. තවද එමගීතය Billboard Hot 100 දර්ශකයේ තුන් වන ස්ථානයද දිනා ගත්තේය. ඊලග වසරේදී තිරගතවූ Urban Cowboy නම් සිනමා පටයට The Devil Went Down to Georgia ගීතය තෝරා ගත් අතර ගීතය තවදුරටත් ජනප්‍රිය වීමට හේතුවක් විය. තවද මෙම ගීතයේ හෙවි මෙටල් සංස්කරනය් Guitar Hero III: Legends of Rock නම් එකල අතිශය ජනප්‍රිය වූ වීඩියෝ ක්‍රීඩාව සඳහාද යොදාගන්නා ලදි.

The Devil Went Down to Georgia 

කන්ට්‍රි ගායකයකු වුවද, ඔහුගේ In America, The Legend of Wooley Swamp සහ Still in Saigon ගීත පොප් දර්ශකද ආක්‍රමණය කලේය.

In America

 The Legend of Wooley Swamp

 

Still in Saigon

චාරිකාව තව දුරයි
දහනව වන කොටසින් හමු වෙමු

සංගීත චාරිකාවක් 17 - The Stanley Brothers and The Clinch Mountain Boys

එච්. ආර්. ජෝතිපාලයන්ගේ මල් හී ගෙන එයි මල් සරා ගීතයට බෙහෙවින් සමාන Weeping Willow නම්වූ බටහිර ගීතයක් අපි කුඩා කල නිතරම ගුවන් විදුලි ඉංග්‍රීසි සේවයේ ප්‍රචාරය උනා. මේ ගීතය මට මතක් උනේ දම්පාට දේදුන්නේ International Submarine Band එක ගැන ලියපු පොස්ට් එකට මල්ලියා දාපු කන්ට්‍රි මියුසික් ගැන කොමෙන්ට් එක කියෙව්වම. බටහිර සංගීතය අධ්‍යනයට පහසුකම් අඩු පරිසරයක් තුල බොහෝවිට වැරදි මතවාද ප්‍රචලිත වෙනවා. කෙසේ වෙතත් කොමෙන්ට් එකක් තුලින් තවත් සංගීත ශෛලීයක් වන Bluegrass වෙත සිත යොමු කරපු කාගේත් මල්ලියට ප්‍රණාමය පුද කරලම පොස්ට් එක පටන් ගන්නවා.

Weeping Willow

වර්ජිනියා හි ක්ලින්ට් මවුන්ටන් නම් ගමේ උපත ලද කාටර් ස්ටැන්ලි සහ රැල්ෆ් ස්ටැන්ලි එහි කුඩා හොවිපොලක හැදී වැඩුනා. සංගීතය එම ගමේ මිනිසුන්ගේ ජීවිත වල කොටසක්ව පැවතියා. ඔවුන් කරා සංගීතය ගෙන ආවේ ප්‍රාදේශීය රේඩියෝවයි. සංගීතයට ආදරය කල මෙම සහෝදරයින් ලහිලහියේම Lazy Ramblers නමින් සංගීත කණ්ඩායමක් පිහිටුවා ගත්තා. නමුත් දෙවන ලෝක යුද්ධයට පැටලුනු මොවුනට මිලිටරි සේවාවෙන් ගැලවී නැවත පැමිණෙන තෙක් සංගීත ලෝකයේ පෙළහර පෑමට කල්මරන්න්ට සිදු වුනා.

1946 වසරේ The Stanley Brothers and The Clinch Mountain Boys නමින් ඔවුන්ගේ සංගීත කණ්ඩායම පිහිටුවා ගත්තා. කාටර් ගිටාරය වාදනය කරමින් ප්‍රධාන ගායකයා ලෙසින් කටයුතු කල අතර රැල්ෆ් බැන්ජෝව වාදනය කරමින් ඉහල තාරස්වරයකින් (high tenor) ගායනයේ යෙදුනා. මෙම මුල් කණ්ඩායම මැන්ඩලීනයකින් සහ රවුකිඤ්ඤයකින් ද (fiddle) සමන්විත උනා.

I'm A Man of Constant Sorrow

Rank Stranger

1946 දෙසැම්බර් 26 දින ප්‍රාදේශීය රේඩියෝවක ප්‍රසංගයකින් පටන් ගන්න සංගීත කණ්ඩායම 1949 වනවිට කොලොම්බියා තැටි සමාගම සදහා ගායනයේ යෙදෙන තරමට දිගු ගමනක් කෙටි කලෙකින් ගමන් කොට තිබුනා. නමුත් 50 දශකයේ ඇතිවූ ආර්ථික අහේනියත් සමග වසර කිහිපයක් සංගීතයෙන් ඈත්ව සිටි සහෝදරයන් ෆෝඩ් මෝටර් රථ සමාගමේ සේවය කිරීමටපටන් ගත්තා. 1951 අගෝස්තු මස රල්ෆ් දරුණු මෝටර් රථ අනතුරකට ලක්වීමත් සමග කණ්ඩායමේ නැවත වරක් කණ්ඩායමේ ගමන තාවකාලිකව නවතිනවා.

මෙම සංගීත කණ්ඩායමේ සංගීත ශෛලීය Bluegrass නම් වනවා. මෙම Bluegrass ශෛලීය ඇමරිකානු පැරණ කඳුකර වාසින්ගේ ජන සංගීත ක්‍රමයක්. Stanley Brothers මෙම ජන සන්ගීතය වෙත George Shuffler, නම්වූ වාදකයා විසින් හඳුන්වා දුන් Crosspicking නම් වූ ගිටාර් ශෛලීයේ ඒකල ගිටාර් වාදන එක කර නවතාවකට පත් කරනවා.

Ridin' That Midnite Train

Clinch Mountain Backstep

1966 වසරේ කාටර් ගේ මරණයත් සමග Stanley Brothers නැතහොත් Clinch Mountain Boys සංගීත කණ්ඩායමේ චාරිකාව අවසන් වනවා.

How Mountain Girls Can Love

How Far to Little Rock

චාරිකාව තව දුරයි
දහ අට වන කොටසින් හමුවෙමු

සංගීත චාරිකාවක් 16 - The Bellamy Brothers සහ ඉල්ලීමක්

සංගීත චාරිකාව පටන් අරන් අදට මාසයයි. බ්ලොගය පටන් අරන් සති පහයි. මේ කාලය තුල පොස්ට් 15ක් ලියාගන්න හැකි උනා. මේ පොස්ට් එකක් ලියනවා කියන්නේ හරිම වෙහෙසකර දෙයක්. සිත්ගත් සංගීත කණ්ඩායමක් තෝරාගත් පසුව ජාලය පීරලා කරුණු හොයන්න ඕන. ගොඩක් වෙලාවට මම විකිපීඩියා තුලින් ඉතිහාසය හොයා ගන්නවා.පොස්ට් එක සිංහලෙන් ටයිප් කරල ගීත දර්ශක අධ්‍යනය තුලින් ජනප්‍රිය ගීත තෝරගෙන යූ ටියුබය පීරලා හොඳම වීඩියෝ තෝරගන පොස්ට් එකට එක් කරල වැඩ ඉවර කරන්න අවම පැය හතරක් යනවා. සංගීතයට ආදරය කරන මිතුරු මිතුරියන් කිහිප දෙනෙකුගෙන් ඉතාමත් හොඳ ප්‍රතිචාරයක් ලැබෙනවා. ඒ වගේම මෙය නොකඩවා ඉදිරියට ගෙනයන්න කරන දිරිගැන්වීම හරිම අපුරුයි සහ සුන්දරයි. නමුත් සමස්තයක් ලෙස ගත්තහම පොස්ට් බලන පිරිස හොඳටම අඩුයි. own page views ට්‍රැක් කිරීම නැවැත්වූ පසුව බොහෝ දිනවල 20ත් 25 ත් අතර තමයි තියෙන්නේ. මේ සඳහා ගත කරන කාලය අපරාදයක් ද කියල වෙලාවකට හිතෙනවා. මොකද විකිපීඩියා එකට ගියාම මේ වගේ පනස් ගුණයක් විතර දැනුම ලබාගන්න පුළුවන් එකේ ඉතා සුළු පිරිසක් කියවන බ්ලොග් එකක් මෙතරම් කාලයක් වැය කරලා මේන්ටේන් කිරීම පලදායකද කියන හැංගීම මතුවන නිසා. ඒ නිසා පාථක පිරිස වැඩි කරගන්න පොඩි ප්‍රචාරයක් දීල සහයෝගයක් දෙන්න කියල ඉල්ලනවා.

දැන් ආයෙත් සංගීත චාරිකාව පැත්තට හැරෙමු. මේ දවස් වල දිගටම කන්ට්‍රි සංගීතය ගැන ලියන්න හිතාගෙන ඉන්නේ. කන්ට්‍රි සංගීතයහි විවිධ කොටස් සහ ශෛලීන් තුල ගැයුන ගීත සාමාන්‍ය මට්ටමින් ආවරණය කරන්න තව පොස්ට් 15 ක් වත් ලියන්න වෙනවා.

Let Your Love Flow ගීතයෙන් ජනප්‍රියත්වයට පත්ව, සංගීත දර්ශකයන්හි අංක එකට පත්වූ ගීත විස්සක් සමග ගීත පනහක් දර්ශක වෙතට ගෙනගිය බෙලමි බ්‍රදර්ස් සංගීත කණ්ඩායමේ කතාවයි මේ.

ඩේවිඩ් බෙලමි සහ හොවාර්ඩ් බෙලමි ෆ්ලොරිඩාහි හැදී වැඩුනේ සංගීත කිහිපයක අභාෂය ඇතිවය. සිය පියාණන් කන්ට්‍රි ගීත ගායනාකල අතරම ප්‍රදේශීය වෙස්ටර්න් ස්වින්ග් ශෛලීයේ (Western Swing) සංගීත කණ්ඩායමක සාමාජිකයකු විය. ඔවුන්ගේ සහෝදරිය රොක් ඇන්ඩ් රෝල් ශෛලීයේ සංගීතයේ නිරතවිය. නිසි සංවිධිත සංගීත අධ්‍යාපනයක් නොලැබුවද මෙම සහෝදරයන් දෙදෙනා ගිටාර් බැන්ජෝ සහ මැන්ඩලීන් වාදනය ප්‍රගුණ කලහ. මීට අමතරව ඩේවිඩ් එකොඩියන්, ඔර්ගන් පියානෝ සහ වයලීනයක් මෙන් වූ රවුකිඤ්ඤය (fiddle) වාදනය ප්‍රගුණ කලේය.

1968 වසරේ සිය පියා සමග ප්‍රථම වරට සැන් ඇන්ටෝනියෝ හි ප්‍රසංගයකට සහභාගීවූ සහෝදරයන් දෙදෙනා සුළු කලෙකින් ජෝර්ජියාහි ඇට්ලන්ටා වෙත සංක්‍රමණය වී Jericho නමින් සංගීත කණ්ඩායමක් අරඹා සමාජශාලා වල ගායනයේ නිරතවිය. ඉතා සුළු කාලයකදී සමාජශාලා ජීවිතයෙන් විඩාවට පත් මොවුන් නැවත සිය නිවසට පැමිණියහ. එහිදී ඩේවිඩ් ගේ තනුවකට Jim Stafford ගායනා කල Spiders and Snakes ගීතය Top 5 ගීතයක් බවට පත්විය. මින් ලැබුණු මුදල ඔවුන් දෙදෙනාට ලොස් ඇන්ජලීස් වෙත සංක්‍රමණයට ප්‍රමාණවත් විය.

ලොස් ඇන්ජලීස් හි ඩේවිඩ් මුලින්ම එළිදැක්වූ Nothin' Heavy ගීතය මුලදී අසාර්ථක විය. අනතුරුව 1976 දී Let Your Love Flow ගීතය එළිදැක්වූ විට එය එක්සත් ජනපද පොප් දර්ශකයේ සහ Hot Country Singles & Tracks දර්ශකයේ ප්‍රථම ස්ථානයට පත් විය. 1979 දී එලිදක්වූ If I Said You Had a Beautiful Body එක්සත් ජනපද කන්ට්‍රි දර්ශකයේ ප්‍රථම ස්ථානයට පත් විය.

Nothin' Heavy

If I Said You Had a Beautiful Body

If I Said You Had a Beautiful Body ගීතයේ සාර්තකත්වයත් සමග The Bellamy Brothers කන්ට්‍රි ගීත වෙත නැඹුරු විය. අනතුරුව Redneck Girl, Santa Fe, Old Hippie , Kids of the Baby Boom සහ Everybody's Somebody's Darlin වැනි ගීත රාශියක් ගායනය කලහ.

Redneck Girl

Santa Fe

Old Hippie

Kids of the Baby Boom

Everybody's Somebody's Darlin

පසුව දිගු නිහැඬියාවකට පසු 2005 වසරේ Angels & Outlaws ගීතය Billboard Hot Country Songs දර්ශකයේ සතියක කාලයක් ගතකලේය

චාරිකාව තව දුරයි
දාහත් වන කොටසින් හමුවෙමු

සංගීත චාරිකාවක් 15 - International Submarine Band

කන්ට්‍රි ගීත රසික රසිකාවියන් වෙනුවවෙන් අද පොස්ට් එක ලියන්න ඕන කියල හිතුනා. කන්ට්‍රි රොක් ශෛලීයහි පුරෝගාමී සංගීත කණ්ඩායමක් වන International Submarine Band හි කතාව මෙලෙස දිගහැරෙනවා.

1965 වසරේ Gram Parsons හාවඩ් විශ්වවිද්‍යාලයට දර්ශනය හැදෑරීම සඳහා ලියාපදිංචි වනවා. නමුත් ජන සංගීතය කෙරෙහි දර්ශනය හැදෑරීමට වඩා සිත යොමු කරන පාර්සන්ස් ඒ වනවිටත් The Like නමින් සංගීත කන්ඩායමක් Berklee College of Music හි සිසුන් පිරිසක් සමග පිහිටුවාගෙන අවසන්. ජැස් සංගීතය හදාරන සහෝදර ශිල්පීන්ගේ ශෛලීය සමග ජනගී ආරට ගායනයේ යෙදෙන පාර්සන්ස්ගේ කටහනඩ අනුගත වන්නේ නැහැ. එබැවින් 1965 වසරේ The Like කණ්ඩායම විසිරුවා හරින පාර්සන්ස් Trolls නම්වූ සංගීත කණ්ඩායමේ ගිටාර් වාදකයකු වන John Nuese සමග Country Rock ශෛලීය තුල නව ගමනක් අරභමින් The International Submarine Band පිහිටුවා ගන්නවා. ගිටාර වාදනය හා ගායනයේ යෙදෙන Parsons බේස් වාදනය සඳහා Ian Dunlop ඩ්‍රම්ස් වාදනය සඳහා Mickey Gauvin ද කණ්ඩායමට එක කරන්නවා.

කණ්ඩායමේ ප්‍රථම නිර්මාණය 1966 වසරේ Johnny Mandel ගේ තනුවකට ගායනා කල The Russians Are Coming ගීතයය. මෙය දැනට සොයා ගත හැකි The International Submarine Band හි එකම වීඩියෝවය. 45 RPM තැටියක එළිදැක්වූ මෙහි අනෙක් පස Truck Driving Man ගීතය තැටිගත කර තිබුණි.

The Russians Are Coming

 Truck Drivin Man

 
1966වසරේ අවසන් භාගයේ Sum Up Broke සහ One Day Week නම් ගීත දෙක එළිදක්වනවා. වාණිජ සාර්ථකත්වයක් තවමත් ලබාගත නොහැකි වූ මෙම කණ්ඩායම ලොස් ඇන්ජලීස් වෙත සංක්‍රමණය වී එහිදී The Trip, නම් චිත්‍රපටයක පෙනී සිටිනවා. කෙසේ වෙතත් වාණිජ වශයෙන් අසාර්ථක වීම නිසා කණ්ඩායම 1966 අගදී විසිරුවා හැරෙනවා.

Sum Up Broke

  One Day Week

Gram Parsons සහ John Nuese මුල් නම යටතේම නව කණ්ඩායමක් එකතු කරගෙන1967 අප්‍රියල් මස Luxury Liner සහ Blue Eyes ගීත දෙක එළිදක්වනවා.

Luxury Liner

 Blue Eyes

 
1967 නොවැම්බර මස Safe at Home. ඇල්බමය තැටිගත කරනා අතර එම ඇල්බමයේ පාර්සන්ස් ගේ අතිශය ජනප්‍රිය Do You Know How It Feels To Be Lonesome සහ Strong Boy නම් ගීත අඩංගු වනවා.

Do You Know How It Feels To Be Lonesome

Strong Boy

1967 දෙසැම්බරයේ මෙම ඇල්බමයේ තැටිගත කිරීම් අවසන් වුවද එය එළිදක්වීම මාස කිහිපයක් ප්‍රමාද වන අතරේ 1968 පෙබරවාරියේ පාර්සන් කණ්ඩායමෙන් ඉවත්ව The Byrds කණ්ඩායමේ Sweetheart of the Rodeo ඇල්බමයේ තැටිගත කිරීම් සඳහා සහබාගී වනවා. මේ වනවිට International Submarine Band නාමයට හිමිකම් කියන Lee Hazlewood විසින්  The Byrds ට විරුධව නීතිමය ක්‍රියාමාර්ග ගන්නවා

පාර්සන්ගේ කටහඬ ඉවත් කොට ගායනය සඳහා Roger McGuinn යොදවාගෙන Sweetheart of the Rodeo ඇල්බමය එල්දක්වීමට කටයුතු සුදානම් කලද අවසානයේ You're Still on My Mind, Life in Prison සහ Hickory Wind ගීත ත්‍රිත්වය පාර්සන්ගේ ගායනයෙන්ම එළිදක්වනවා.

You're Still on My Mind

Life in Prison

Hickory Wind

මෙම කණ්ඩායමේ කිසිදු නිර්මාණයක් ගීත දර්ශක වල මුල් 40 අතරට නොපැමිණියද කන්ට්‍රි රොක් ශෛලීයහි පුරෝගාමී ඇල්බමය ලෙසින් Safe at Home සම්භාවනාවට පාත්‍ර වේ.

Safe at Home සම්පුර්ණ ඇල්බමය

චාරිකාව තව දුරයි
දහසය වන කොටසින් හමුවමු