නෙළුම් යාය - After Party

නෙළුන් යාය සුපිරිය. ආප්ටර් පාටිය ඊටත් වඩා සුපිරිය. සුපිරි නෙවෙයිය පට්ට සුපිරිය. කටුනායක ඩියුටි ෆ්රී එකම දෙහිවල බීච් එකේ මේසයක් උඩින් තියලාය. ඕවා විදේශ බලවේග වල ජාත්‍යන්තර කුමන්ත්‍රණය.

ප්‍රවීණ සංගීතඥ මම තුමා සංගීතය සැපයු අමාරුම ප්‍රසංගය ඒකය. ඇවිත් හිටපු හතළිහෙන් තිහක් විතර සින්දු ඉස්ටෝරුය. උන් දන්නා සිංදු රේඩියෝ සිලෝන් තැටි ගබඩාවේ වත් නැතිය. පීචං ගායන ශිල්පී ජෝතිපාලගේ සිංදුවක් ඉවර වෙන්න කලින් ප්‍රබුද්ධ ගායන ශිල්පී අමරදේව මාස්ටර්ගේ එකක් රික්වෙස්ට් කරනවාය. රික්වෙස්ට් කරලා නිකන් ඉන්නේ නැතිය. ඔක්කොම ටික එකතු වෙලා සින්දුව පටන් අරගෙනත් ඉවරය. එකක් ඉවරවෙලා ආමාස ගත කරගන්න අර මොනවදෝ සුට්ට ගුඩුස් යවා ගන්න දෙන්නේවත් නැතිය. මොනවා උනත් බ්ලොගාලගේ ගායනය නම් සුපිරිය. හරියට සෘතියටම ගයනවාය. මම තුමා නොදන්නා සින්දු ටික ප්‍රවීණ සංගීත උපදේශක මනාතුමාගේ  ඇඟේ ගසා ජාම බේරා ගත්තෙමිය.

කාන්තා පාර්ශ්වය මේ මහා සංගීත ප්‍රසංගයට සහභාගී නොවීම දාහෙන් සම්පතක් කොට සලකන්නේමිය. ආවානම් මම තුමාට සහ මනා තුමාට අනිවාර්යයෙන් බොඩි සම්මානය ලැබෙනවාය. එහෙම උනානම් කොළඹ ගමයා ලන්ඩන් ගොහින් හමාරය. පුංචි තැනින් අල්ලලා වලිග සම්මානය දෙනවා සුවර්ය.

පුදුම වැඩේ කියන්නේ බස් වල යද්දී ඇහෙන රෝසාන් අයියගේ හෙවි මෙටල් සිංදු එකක්වත් මුන් දන්නේ නැති එකය. සොරි, බ්ලොගාල ඕව අහන්න බස් වල යන එකක් යැ. යන්නේ ඩිෆෙන්ඩර් වල නොවැ.

කොහොමින් කොහොමින් හරි වෙලාව පාන්දර එකයි කියල දැනගත්තේ කබර පුංචෙක් අන්නශ්‍රොතය කිචි කවන කොටය. තව ටිකක් හිටියොත් කබර පුංචා මහා එකෙක් වෙලා එලියට එනවාය. එක හන්දා රසිකයන්ගේ දැඩි විරෝධය මධ්‍යයේ වාෂ්ප භූත උනෙමිය. එයට විරෝධතාව පෑමට ලිප්ටන් වටරවුමේ ලබන සඳුදා පැවැත්වීමට නියමිත විරෝධතා ව්‍යාපාරය හකුලා ගන්නා මෙන් සමස්ථ බ්ලොග් කරුවන්ගෙන් ඉල්ලා සිටින්නේමිය.

** පොස්ටුවට පින්තුරයක් නැති එක අඩුපාඩුවක්ය. තියෙන එකෙක් පුළුවන් ඉක්මනට එවන එක යුතුකමක් කොට සැලකිය යුතුය. **