Monday, September 14, 2015

සුළං බලයෙන් ක්‍රියා කරනා මෝටර් රථයක් - විවාදයකට ආරාධනා.

සුළං බලයෙන් ක්‍රියා කරන්නේ යැයි පවසන මෝටර් රථයක් පිලිබඳව වීඩියෝවක්  "ගන්න අපේ දේ" නම් වන FB පිටුවෙහි පළවී තිබුනා. මෙයට පෙර විවිධ නිර්මාන කරුවන් විසින් ජලයෙන් ක්‍රියා කරනා මෝටර් රථ වැනි නිර්මාණයන් තුලින් විවිධ රැවටීම් සිදුකොට ඇති බැවින් මෙම රථයහි ක්‍රියාකාරිත්වය පිලිබඳවද  අප හට සැක සංකා මතුවීම සාධාරනය.
කෙසේ නමුදු අදාල රථය පිළිබඳව විද්‍යාත්මක කරුණු දැක්වීමක් කරනා ලෙස එහි නිර්මාපකයාට ආරාධනා කරනවා.

මෙම රථය පිලිබඳ දෙරණ නාලිකාවේ ප්‍රචාරය කරන ලද වීඩියෝවක් පහතින් දැක්වෙන අතර අදාළ FB පොස්ටුවට මෙතනින් යොමුවිය හැක WIND CAR


video


Saturday, August 1, 2015

මහා මැතිවරණය 2015 - අපේක්ෂිත ප්‍රතිපල

මේ ලිපිය ලියනා මොහොත වනවිට 2015 මහා මැතිවරණය වෙත ඉතිරිව ඇත්තේ තවත් දින 16ක කාලසීමාවක් පමණි. වෙනත් මැතිවරණ සමග සසඳන විට රට තුල මැතිවරණ උණුසුමක් නොමැති තරම්ය. එය ඉතාමත් සුභදායක තත්වයකි. ප්‍රචණ්ඩ සිද්ධීන් කිහිපයක් වාර්තා වුවද සමස්තයක් වශයෙන් ගත්කල සාමකාමී බවක් රටතුල පෙන්නුම් කරයි.
 රාජ්‍ය බලය, රාජ්‍ය මාධ්‍ය  සහ රාජ්‍ය දේපල මැතිවරණය සඳහා අවභාවිතයවන බව වාර්තා නොවේ.
කෙසේ නමුදු එක්සත් ජාතික පෙරමුණ රජයක් පිහිටුවන බවට නිසැක ලකුණු පෙන්වයි.
පසුගිය රජය මෙහෙයවන ලද රෙජීමය සිදු කරනා ලද වංචා, දුෂණ, බලය අවභාවිතය, මෙන්ම ජනතාව වෙත මුදා හල හිංසා පීඩන පසුගිය ජනාධිපතිවරණ ප්‍රතිඵලය වෙත ඉමහත් බලපෑමක් සිදු කරනා ලද අතර රටට නව නායකත්වයක් පත්කර ගැනීමට ජනතාව පෙලගස්වන ලදී.
මේ අතර අතර ජනතාව ප්‍රත්ක්ෂේප කරනා ලද චරිත සමග නැවත නැගිටින්නට රෙජීමයේ සෙවනැල්ලට මුවාවී සිටි දුෂිතයන් නිෂ්ඵල ප්‍රයත්නයක් යෙදෙන බව සැමට පැහැදිලිය. ඔවුන්ගේ නොහැකියාව විශ්ලේෂනාත්මකව පෙන්නුම් කෙරීමට මෙම ලිපිය උපකාරී වනු ඇත
මෙම විශ්ලේෂණය සඳහා 2005 මැතිවරණ ප්‍රතිපලය සහ 2010 ප්‍රතිපල මෙන්ම අදවන විට රටතුල පවත්නා තත්ව විශ්ලේෂණයක් (situation analysis) උපයෝගී කරගෙන ඇත.


පසුගිය ජනාධිපතිවරණ කාලසීමාව වනවිට එක්සත් ජනතා නිදහස් සන්ධානය වෙත පහත දක්වෙන සියලු  සාධක නොඅඩුව තිබිණ.
1. විධායක බලතල
2. රාජ්‍ය දේපල අවභාවිතයේ උපරිම හැකියාව
3. රාජ්‍ය මුදල් මැතිවරණ යාන්ත්‍රනය සඳහා මංකොල්ල කෑමේ හැකියාව
4. රාජ්‍ය ජනමාධ්‍ය අවභාවිත හැකියාව
5. රාජ්‍ය නොවන ජනමාධ්‍ය මර්ධනය
6. රජයේ නිලධාරීන් බලහත්කාරයෙන් මැතිවරණ යාන්ත්‍රනය වෙත යොමුකිරීමේ හැකියාව
7. මැරකල්ලි
8. විපක්ෂයට පහරදීමේ යාන්ත්‍රනය
9. ජාවාරම්කරුවන්ගේ සහයෝගය
10. රජයේ වාහන
11. මහපරිමාන දන්සැල්
12. රටම වසාගත් පෝස්ටර්  කටවුට් සහ  බැනර් මගින් සිදුකරන ප්‍රචාරණ යාන්ත්‍රනය
13. යතුරුපැදි, සිල්රෙදි, බඩුමලු වැනි කප්පම්
14. අශික්ෂිත මඩ යාන්ත්‍රනය
15. දරුවන් පවා මඩ යාන්ත්‍රණයට යොදවා ගැනීමේ හැකියාව.
16. විපක්ෂ අපේක්ෂකයන්ගේ ඩමි අපේක්ෂකයන් වශයෙන් මැතිවරණයට ඉදිරිපත් කිරීමේ හැකියාව.

සියළු ලැයිස්තුව ලියන්නේ නම් මෙමලිපිය දින ගනනාවන් ලිවීමට සිදුවනු ඇත.

අද වනවිට රට තුල ප්‍රජාතන්ත්‍රවාදය ස්ථාපිත ඇති අතර  මේ සියලු අවභාවිතයන් සහ දුෂ්ඨ ක්‍රියාදාමයන් පවතින රජය මැතිවරණ ජයග්‍රහණය සඳහා නොයොදවන බව පෙනී යයි. මේ හේතුවෙන් එජනිස යට කරට කර සටනක් දීමේ හැකියාව ලැබී ඇත. එජනිසයට ලැබී ඇති වාසි දායක තත්වය උපරිමලෙසින් සලකා බලා ඉහත විශ්ලේෂණය සිදුකොට ඇත.

එජනිසයට ඇති උපරිම වාසිදායක තත්වය තුල වුවද රජයක් පිහිටුවීමේ හැකියාව නොමැති බව ඉහත විශ්ලේෂණය මොනවට පෙන්නුම් කරයි.

මේ අනුව නැවත වරක් රට දුෂ්ඨ පවුල් පාලනයට නතු නොවීමේ හැකියාව පෙන්නුම් කිරීම සතුටට කාරණයකි.

Friday, July 31, 2015

සංගීත චාරිකාවක් 31 – ABBA පස්වන කොටස - ජනප්‍රියත්වයේ මුල් පියවර

A B B A ප්‍රථම ගීතය
හැත්තෑව දශකයේ මුල් යුගය වන විට උල්වියෝස් සහ අන්දශෝන් ස්වකීය පද රචනා වෙත නව සංගීත සහ ගායනා විලාශයන් එක කරමින් ගී නිර්මාණයේ කාලය වැය කරමින් සිටියා. 1972 වසරේදී People Need Love එකල ගීය එළිදක්වමින් කණ්ඩායමක් ලෙස ඇබා හි ප්‍රථම නිර්මාණය සංගීත ලෝලීන් වෙත දායාද කළා.

මෙම ගීතය ස්වීඩනයේ  ඇල්බම් සහ ඒකල දර්ශකයේ 17 වන තැන දිනාගත් අතර ඇමරිකානු කෑෂ්බොක්ස් දර්ශකයේ 114 වන තැනටද රෙකෝඩ් වර්ල්ඩ් දර්ශකයේ 117 තැනටද පැමිණියා. මෙම ගීතය ඇමෙරිකාවේ බෙදාහැරියේ ප්ලේබෝයි රෙකොඩ්ස් ආයතනය මගිනි. පසුකලෙක එම ගීතය ගැන අන්දශෝන් පවසා ඇත්තේ ඇමෙරිකාව තුල ගීතය වෙත ලද ඉල්ලුම සැපයීමට තරම් ප්ලේබෝයි රෙකොඩ්ස් ආයතනය වෙත සම්පත් නොතිබූ බවය.

People Need Love ස්වීස් සංස්කරණය
People Need Love ඉංග්‍රීසි සංස්කරණය
අනතුරුව මෙම හතර දෙනා ස්වකීය ප්‍රථම ඇල්බමය නිකුත් කිරීමට කටයුතු කරමින් සිටිනා අතරතුර Nina, Pretty Ballerina ගීතය නිර්මාණය කළා. මෙම ගීතය තුලින් මතුවූ රසය තුලින්, කණ්ඩායමේ හතර දෙනාගේ කටහඬ එකට මුසු කිරීම සාර්ථකත්වයට මාර්ගය පාදන බව ඔවුන් තේරුම් ගත්තා.

Ring Ring ගීතය
1973 වසරේදී කණ්ඩායමේ කළමනාකරු ලෙසින් කටයුතු කල ස්ටිග් අන්දශෝන් විසින් නැවත වතාවක් මෙළුඩිෆෙස්ටවොලන් වෙත Ring Ring ගීතය ඉදිරිපත් කරමින් වාසනාව උරගා බැලීමට තීරණය කරා. එම ගීතය සඳහා Michael B. Tretow ශබ්දාගාර කළමනාකරණය එය සිදුකල අතර wall of sound නම් වූ නවතම නිෂ්පාදන විධික්‍රමයක් අත්හදා බලනු ලැබුවා. Neil Sedaka සහ Phil Cody විසින් ගීතයේ ඉංග්‍රීසි සංස්කරණය සඳහා පදරචනය කල අතර ඔවුන්ගේ අදහස වුයේ මෙළුඩිෆෙස්ටවොලන්හි නියත ජයග්‍රහණය ගීතය ලබාගන්නා බවය. නමුත් ගීතය 1973 පෙබරවාරි 10 දින තෙවන ස්ථානය වෙත පැමිණි නමුත් අනතුරුව තරංඟාවලියෙන් ඉවතට විසිව ගියා.

Ring Ring ස්විඩිෂ් ගීතය


අනතුරුව ඇබාහි මුල්ම ඇල්බමය නිකුත් කරනා අවස්ථාවේ එය Ring Ring ලෙසින් නම් කරනු ලැබුවා. ඇල්බමය සාර්ථක වූ අතර Ring Ring ගීතය යුරෝපයේ බොහෝ පෙදෙස්වල මෙන්ම දකුණු අප්‍රිකාවේද බෙහවින් ජනප්‍රිය උනා. මෙම අත්දැකීම තුලින් ස්ටිග් අන්දශෝන් තීරණය කලේ තමන්ට ජනප්‍රිය විය හැක්කේ බ්‍රිතාන්‍යය සහ එක්සත් ජනපදය ආක්‍රමණය තුලින් පමණක් බවය.

Ring Ring ඉංග්‍රීසි ගීතය


1973 වසරේදී අගේනේතා ෆෙස්කෝ සිය පළමු දරුවා බිහිකළ අතර ජර්මනියේ සිදුකල සංගීත සංචාරයක් සඳහා ඇයගේ ස්ථානය ඉන්ගර් බෘන්ඩීන් ( Inger Brundin) විසින් පුරවනු ලැබුවා.


Inger Brundin විසින් ගායනයේ යෙදෙන Ring Ring ඉංග්‍රීසි ගීතය

ABBA සන්නාමය
1973 වසරේදී අන්දශෝන් විසින් කණ්ඩායම සඳහා ගැලපෙන නමක් යෝජනා කරනා ලෙස බොහෝ දෙනෙකුගෙන් ඉල්ලා සිටියා. එහිදී Abba නාමය යෝජනා වුවද ඒ වනවිටත් ටින්මාළු කර්මාන්තයක් එම සන්නාමය භාවිතා කරා. අනතුරුව ගුතන්බ්ර්ග් (Gothenburg) පුවත් පතෙහි කණ්ඩායමේ නාමය සඳහා තරගයක් පවත්වනු ලැබුවා. තරඟයේ යෝජනාවූ Alibaba", "FABB" සහ "Baba" යන නාමයන් වෙත මුලදී අවධානය යොමුකලද අවසානයේදී කණ්ඩායම් සාමාජිකයන්ගේ නම්වල මුලකුරු සමන්විතවන ABBA නාමය තෝරාගත් බව දැනුම් දෙනු ලැබුවා. කණ්ඩායමේ ප්‍රචාරක ඡයාරුපයක් සඳහා බෙනී විසින් විහිලුවකට මෙන් තමාගේ අත තිබූ B අකුර කණපිට හරවනු ලැබුවා. අනතුරුව 1976 සිට කණපිට හරවන ලද B අක්ෂරය සමග ඇබා සන්නාමය ABBA බවට පත් උනා.

සංගීත චාරිකාවේ 31 වන කොටසින් හමුවෙමු
ඇබා කණ්ඩායම පළමු කොටස දෙවන කොටස තෙවන කොටස හතරවන කොටස

Monday, July 13, 2015

හේම ශ්‍රී අල්විස් සහ අයිරින් ද අල්විස්

උපාලි ජයසිංහ විසින් ශ්‍රී ලංකා දේශපාලනය පිටුවේ තබන ලද සටහනකි. සංගීත ලෝලියකු වශයෙන් මාහට අතිශය අනුවේදනීයවූ මෙම  පුවත දම්පාට දෙදුන්නෙහිද සටහන් කරමි.

මෙම දෙපලට දැනෙන යමක් කිරීමට ඔබ සැමට ආරාධනා කරමු.

https://www.facebook.com/shyaman.hemakody1/posts/1012654495434714

මෙි ශ්‍රී ලංකා කලා ක්ෂේත්‍රය පෝෂනය කල දැවැන්තයන් දෙදෙනෙකි අන්තර් ඡාලය පීරා බැලුවත් ,ඔවුනගේ සොයාගත හැකිවූ ඡයාරෑපය බැලූවිට ඔවුන් කොතරමිනමි අසරණදැයි ඔබට පැහැදිළි වනු ඇත.
----------------------------------------------------------------------------------
මෙි යුගයේ අද වනවිට ගීත දහයක් ලියා ගීත 3ක් ඡනප්‍රිය කරගත් එකා
ලක්ෂපතියෙකි, ගීත 3 ක් අමාරැවෙන් කියා 1 ක් ඡනප්‍රිය කරගත් එකාද ලක්ෂ පතියෙකි ධනවාදය කලාව මාරකටින් කරන්නේ එලෙසය මෙි මා කියනා මිනිසා ලියූ ගීත සංඛ්‍යාව 4000 කි ඒ අතර 


මධු සදෙන් තවත් සුපුන් සදක් උදාවෙි........ 
මයුරාසන මත වැඩ හිදිනා.....
ඔබ දැකුමෙන් මා නෙත ලැබුවෙි ......
ඔබ සොයනා කලු කෙල්ල මමයි
මාගෙ මෙි රට මාගෙ මෙි රට.....
ඇයි බඹරෝ පෙමිමල අතහැරලා....
 

ඔහු හේම ශ්‍රී ද අල්විස්ය ඇය ඔහුගේ ප්‍රිය බිරිද අයිරින් ද අල්විස්ය ඇය ගැයූ ගිත සංඛ්‍යාව දහසකි  දැන් කියන්නේ වෙනස්ම කතාවකි. ඔවුන්ට ප්‍රේමදාස ඡනාධිපති දුන් නිවස ශ්‍රී ලංකා නිදහස් පක්ෂය නැවත උදුරා ගන්නා ලදී. ආශ්චර්යමත් හෙටක් යනු  එහි දිගුවකි.අනතුරැව කුළි ගෙවල්වල ඡිවත්වූ ඔවහු සිය අවසන් නවාතැන් පොලවෙත පැමිණ ඇත එය කුඩා කාමර කැබැල්ලකි 173, වලපල පන්සල පාර පානදුර එහි  ලිපිනයයි. ඒ කුඩා කාමර කැබැල්ලේ ඔවුන් ඡිවිත කාලයටම ලාංකීය සංගීත කෂේත්‍රයට කල මහගු දායදට එකතුකරගත් සබිබ සකලමනාවම ඇත  පරණ ඇදක්, ඇදුමි දාන ලී කබඩි එකක් ප්ලස්ටික් පුටු දෙකක් හා ඇල්බීසීයා ලීයෙන් තැනූ මෙිස කබලක් මෙි ඉතිහාසයක් පුරා ඔවුනගේ සිහිනයේ කැට කැබිලිතිය.හොදම ගීත රචකයාට දුන් හා හොදම  ගායකාවට දුන් දිරාගිය සහතිකද මළ බැදුණු සහිවටනද ඒ අතරය. ඉතිං ඈ හොදටෝම ලෙඩින්ය. ඔහු ඇළග දනින් වැටී සාත්තුවෙිය වැසි වැටෙන කලට කාමරය දොරෙ ගලයි වැස්සට සනීප අසනීප නැතිබැරිකමි අදාලම නැත.ඔවුන් ඉල්ලා සිටින්නේ නෙතට කදුලු උනනා ඉල්ලීමකි ඒ වෙිලක් ඇර වෙිලක් හෝ දී ඔවුන් ඡීවත් කරවනා ලෙසයි පිං කැමති සියල්ලනටම විවෘතයි දුරකතනයෙන් ඔවුන් සමිබන්ධ කරගතහැකි ආකාරය 0385680233 මම මගේ යුතුකම පුලුවන් පුමාණයෙන් කලෙමි දැන් ඔබෙි යුතුකම ? -  උපාලි ජයසිංහ

Saturday, March 7, 2015

සංගීත චාරිකාවක් 30 - ABBA හතරවන කොටස - ඇබා කණ්ඩායමේ ගොඩනැගීම


දම්පාට දේදුන්න ලියන්න අතපසු උන පසුගිය කාලය පුරාවටම බ්ලොග් ලොව මිතුරු කැල නැවත ලියන්න බෙහෙවින් උනන්දු කළා. සිංහල බ්ලොග් ලෝකයේ හිත මිතුරන්ගෙන් දම්පාට දේදුන්න පටන් ගත් මුල් කාලයේ සිටම ලැබුන සහයෝගය ඉතා විශිෂ්ඨයි. මේ කිසිවකුත් අද වෙනකම් මා හැබැහින් දැක නැහැ. නමුත් මේ නොදුටු මිතුරන් බොහොමයක් සමග අද වෙනකොට දැඩි මිතුරු දමක් ගොඩනැගිල තියෙනවා. කොහොම නමුත් මා උනන්දු කල සැම දෙනාටම තුති පුදමින් නැවතත් සංගීත චාරිකාව නවත්තපු තැනින් පටන් ගන්නවා.


ඇබා කණ්ඩායම පිලිබඳ ලියැවුනු පෙර ලිපි තුල කණ්ඩායමේ ගායක ගායිකාවන් ගැන ලියවුනා මීළඟ ලිපි දෙක ලියවෙන්නේ කණ්ඩායම ගොඩනැගුනු ආකාරය පිළිබඳවයි..
පළමු කොටස   දෙවන කොටස    තෙවන කොටස

ඇබා කණ්ඩායමේ ප්‍රථම සජීව ප්‍රසංගය.
ඇබා කණ්ඩායමේ සාමාජිකයන් ස්වකීය ප්‍රතිභාව එකට එකතු කොට නිර්මාණ බිහි කිරීමේ මුලික කටයුතු කරමින් සිටීනා අතර 1970 අප්‍රියල් මස මේ මිතුරන් හතර දෙනා සයිප්‍රසයේ නිවාඩුවක් ගත කිරීමට ගියා. එහිදී මේ පිරිස විනෝදය සඳහා මුහුදු වෙරළේ පටන්ගත් ගී ගායනය අවසන් උනේ එම ප්‍රදේශයේ ස්ථානගතව සිටි එක්සත් ජාතීන්ගේ හමුදා භට කණ්ඩයක් විසින් හදිසියේ සංවිධානය කරන ලද සජීව ප්‍රසංගයකින්. මේ අනපේක්ෂිත ප්‍රසංගය පසුකලෙක ලෝක පුජිත වූ ABBA හි මුල්ම සජීව ප්‍රසංගයයි.

මේ කාලය වනවිට අන්දශෝන් සහ උල්වියෝස් ඔවුන්ගේ ප්‍රථම ඇල්බමය වන ලයිකා (Lycka) 1970 සැප්තැම්බරයේ එළිදැක්වීම සඳහා පටිගත කිරීම් වල යෙදී සිටියා. එම ඇල්බමයේ ගීත කිහිපයකට ඇග්නෙතා සහ ලීග්සා පසුබිම් ගායනයෙන් දායක උනා. අනතුරුව මේ පිරිස එක්ව Festfolket නම් ප්‍රසංගය 1970 නොවැම්බරයේදී ගුතන්බ්ර්ග් හිදී දියත් කරනු ලැබුවා.

Hej, gamle man ගීතය
ඇබා කණ්ඩායමේ හතරදෙනාම එක්ව එළිදැක්වූ ප්‍රථම නිර්මාණය ගලවාගැනීමේ හමුදාවේ සේවයකළ මහළු මිනිසකු ගැන කියවෙන Hej, gamle man නම් ගීතයයි. මෙම ගීතය අදාළ කාර්තුව තුල සංගීත දර්ශක තුල ප්‍රථම ස්ථානය දිනා ගැනීමට සමත් වූ අතර එම ගීතය අඩංගු තැටිය විකිණුම් දර්ශක වල පස් වැනි ස්ථානයද, Svensktoppen දර්ශකයේ ප්‍රථම ස්ථානය සති 15ක කාලයක් පුරාවටද රඳවා ගැනීමටද සමත් උනා.

 Hej, gamle man

සංගීත කණ්ඩායම ගොඩ නැගීම (1970 සහ 1973 අතර කාලය)
1970 වසරේ ලයිකා ඇල්බමය නිකුත් කල බෙනී සහ බියෝන් අනතුරුව එකල ගීත කිහිපයක්ම ස්වීඩනයේ එළිදැක්වූවා. මේ අතරින් "Det kan ingen doktor hjälpa" සහ "Tänk om jorden vore ung" ගීත දෙක සාමාන්‍ය මට්ටමේ සාර්ථකත්වයක් සංගීත දර්ශක තුල ලබා ගත්තා.


Tänk om jorden vore ung

මේ කාලය වන විට ෆෙල්ස්කෝ සහ උල්වියෝස් විවාහ වී සිටි අතර අන්දශෝන් සමග නිරතුරුවම සංගීතයේ යෙදී සිටියා.

පොලර් මියුසික් සංගීත සමාගමේ නිර්මාතෘ මෙන්ම හිමිකරු වූ ස්ටිග් අන්දශෝන් හට බෙනී සහ බියෝන් ජාත්‍යන්තර සංගීත තලයට ගෙනයාමට තීරණය කරනුයේ මේ අවදියේදීය. එකල ස්ටිග් අන්දශෝන් අනාවැකි පළකරනුයේ මේ දෙදෙනා විසින් ලියා සංගීතවත් කරනු ලබන ගීතයක් ජගත් සංගීත වේදිකාව ජයගන්නා බවය. ඔහු විසින් මේ දෙදනා නැවතත් මෙළුඩීෆෙස්ටිවෝලන් තරඟාවලිය සඳහා ගීතයක් ඉදිරිපත් කරවීමට උනන්දු කරවන අතර දෙවතාවක් අසාර්ථක වීමෙන් අනතුරුව Säg det med en sång ගීතය තරඟාවලිය සඳහා ඇතුලත් කරගනු ලැබුවා. එහිදී තවන ස්ථානය ලද ගීතය ස්වීඩනයේ අතිශය ජනප්‍රියත්වයට පත් වනවා.

Säg det med en sång
මේ දෙදෙනාගේ ජාත්‍යන්තර සාර්ථකත්වය ජපානයේදී ලැබෙනුයේ අනපේක්ෂිත අයුරිනි. 1972 වසරේදී ජපානයේ එපික් රෙකෝඩ් සමාගම වෙනුවෙන් නිර්මාණය කල She's My Kind of Girl ගීතය සංගීත දර්ශක වල මුල් ගී දහය අතරට එක්වන අතර ජපානයේදී තවත් නව ගීත දෙකක් එලි දැක්වෙනවා. එනම් පසුකලක ගායනා කල Merry-Go-Round ගීතයේ මුල් ගීතය වන ස්කැන්ඩිනේවියානු "En Karusell" ගීතය සහ Love Has Its Ways යන ගීත ද්විත්වයයි.

 She's My Kind of Girl

En Karusell

Love Has Its Ways

සංගීත චාරිකාවේ 31 වන කොටසින් හමුවෙමු
ඇබා කණ්ඩායම පළමු කොටස   දෙවන කොටස    තෙවන කොටස

Monday, February 2, 2015

සිංහල ගීත සාහිත්‍යයේ සී. ටී. ප්‍රනාන්දු මුද්‍රාව - ඌන පූර්ණයක්

අප සුමිතුරු සින්දු ඇනෝ සිය බ්ලොගයේ පලකළ ගනුෂ්ක රන්දුල විසින් රචිත සිංහල ගීත සාහිත්‍යයේ සී. ටී. ප්‍රනාන්දු මුද්‍රාව ඉතාමත් ඉහල මට්ටමේ පර්ය්ෂනාත්මක ලිපිය කියවීමට ලැබුනේ පලකොට දින කිහිපයක් ඇවෑමෙනි. එබැවින් මවිසින් එම ලිපියට දැමු කොමෙන්ටුව බොහෝදෙනෙකු ඇස නොගැටීම තුල සී ටී ප්‍රනාන්දු ගේ ගීත තැටි ජනප්‍රිය වීමට බලපෑ තවත් ප්‍රධාන හේතුවක් පිලිබඳ මා කියවා ඇති සාධකයක් ඔබ වෙත සන්නිවේදනයට එහි අන්තර්ගතය නැවත සංස්කරණය කොට මෙහි පලකරනවා.

සී. ටී ප්‍රනාන්දුගේ ගීත රසිකයන් අතරට යාමට තවත් ප්‍රධාන හේතුවක් වී ඇත්තේ ඒවා ඉතාමත් ගුණාත්මක තැටිගත කිරීමකින් යුක්ත වීමය. ඔහුගේ බොහෝ ගීත HMV, Philips වැනි සමාගම් විසින් මහා බ්‍රිතානයයෙදී තැටිගත කරන ලද බව කියවෙයි. සමකාලීන සිංහල ගීත වල මුල් තැටි වල බේස් සහ ට්‍රිබල් පරාසය පැහැදිලිව අසන්නට නොලැබෙන නමුත් CT ගේ ගීත වල බේස් සහ ට්‍රිබල් පරාස දෙකම හොඳින් ස්ථාන ගතව තිබෙනවා. නමුත් සමකාලීන සිංහල ගීත බෙහෙවින්ම තැටිගතව තිබෙනුයේ මිඩ් පරාසය ඉස්මතු වන ලෙසිනි. ඔහුගේ සමහර ගීත වල බේස් ගිටාරය වෙනුවට ඩබල් බේස් හෝ චෙලෝ වාදනය ඇසෙනුයේ ඒවා බ්‍රිතාන්‍ය සංගීත කණ්ඩායම් වල වාදනයන් සමගින් තැටිගත කිරීම නිසා වන්නට පුළුවන.

මුල් ලිපිය මෙතැනින්

Saturday, January 31, 2015

මාර පරාජයෙන් පසු ආයෙත් අපි ආවා................................


මාස තුනකට ආසන්න කාලයක් පුරාවටම දම්පාට දේදුන්නට පොස්ට් එකක් දාන්න බැරි උනා. කලින් නම් සතියකට දෙක ගානේ විතර පොස්ට් ලිව්වත් ජනාධිපතිවරණ සටන පටන් ගත්තට පස්සේ සංගීතය ගැන ලියනවට වැඩිය ඒකාධිපති රෙජීමය එලවන්න සම්පුර්ණ කාලය මිඩංගු කිරීම වඩා වැදගත් කියල හිතුනා.

රාජ්‍ය බලය, රාජ්‍ය මර්ධනය සහ රාජ්‍ය දේපල භාවිතා කරමින් රාජ්‍ය මුදල් මංකොල්ලකමින් රාජපක්ෂ රෙජීමය සහ එහි සට්ටම්බියන් ජනාධිපතිවරන ප්‍රචාරක යාන්ත්‍රනය ක්‍රියාත්මක කරද්දී අපට ඉතිරි උනේ කාගේත් සුරතලිය වූ අන්තර්ජාලය පමණයි. කලෙක පටන්ම අන්තර්ජාලය සහ සමාජ මාධ්‍ය ජාල මධ්‍යස්ථ මතධාරීන්ගේ කෙළි මඩලක් බවට පත්ව තිබුනා. දේශපාලන සහ ආගමික අන්තවාදීන් හට නිර්දය විවේචනයක් පැතිර තිබූ මේ සුවිශේෂී මාධ්‍යය ජය ගැනීමට රාජපක්ෂ රෙජීමය අවසන් මොහොතේ විශාල ලෙස මුදල් ආයෝජනය කරා. එම ආයෝජන බිඳ වැටුනේ මානව සබඳතා මුදලට වඩා ප්‍රභල බවමොනවට පෙන්වා දෙමිනි.

රාජපක්ෂ රෙජීමය මහජන මුදල් යොදවමින් පරිඝනක දහස්ගණන් යොදාගනිමින් අන්තර්ජාල ප්‍රචාරණයේ යෙදුනද ඔවුන්ගේ කිසිදු පණිවිඩයක් නිසි ලෙස සමාජගත කිරීමට සමත්වූයේ නැහැ. එයට හේතුවුයේ එම ප්‍රචාරණ යාන්ත්‍රණයේ තිබු ව්‍යාජ භාවයයි. ස්වකීය සත්‍ය ප්‍රොෆයිල තුලින් ප්‍රචාරණයේ යෙදුන පිරිස රාජපක්ෂ පිලේ සිටියේ ඉතාමත් අල්ප ප්‍රමාණයක්. රාජපක්ෂ යාන්ත්‍රණය ව්‍යාජ ප්‍රොෆයිල තුලින් ක්‍රියාත්මක කර ව්‍යාජ ප්‍රොෆයිල වෙතම පණිවිඩ සන්නිවේදනය කිරීමේ ''මෝඩ චූන්'' ප්‍රචාරණ ව්‍යාපාරයක වල්මත්ව සිටියා.

විපක්ෂයේ ප්‍රචාරණ යාන්ත්‍රනය වෙත ගොනුව සිටි මර්ධනයට බිය නොවූ පිරිස් ස්වකීය සත්‍ය ප්‍රොෆයිල තුලින් ස්වකීය පණිවිඩය වේගවත්ව සමාජයවෙත කාන්දු කරා. එපමණක් නොව මිලියන සිය ගණන් මහජන මුදල් මංකොල්ල කමින් රෙජීමයේ සට්ටම්බියන් සිදුකල සුවිසල් ප්‍රචාරක කටයුතු පවා එක ෆේස්බුක් සටහනකින් අවුල් කර දැමීමට ඔවුනට හැකිඋනා.

මෙහිදී මා අත්දුටු තවත් අපුර්ව සිදුවීමක් නම් මහජන මුදල් කොල්ලකමින් සිදුකල මහපරිමාන ප්‍රචාරණය ක්‍රියාත්මක කල පිරිස් පවා ස්වකීය සත්‍ය ප්‍රොෆයිල තුලින් කිසිදු ප්‍රචාරණයක් පරාජිත ජනාධිපතිවරයා වෙනුවෙන් සිදු නොකිරීමය. අතීතයේ ලබාගත් හෝ අනාගතයේදී ලබාගැනීමට අදහස් කරනා පුද්ගලික ලාභ ප්‍රයෝජන සහ වරප්‍රසාද වෙනුවෙන් හෝ මුදල් වෙනුවෙන්  කටයුතු කරන්නවුන්ගෙන් එයට වඩා දෙයක් කිසිවිටෙක බලාපොරොත්තු විය නොහැකිය.

රාජපක්ෂ රෙජීමයේ උසස් තනතුරු දැරූ එම තනතුරු සඳහා සුදුසුකම් නොතිබූ සට්ටම්බියන්  රජයේ ආයතන තුල ඇතිකර තිබූ දූෂණය, මර්ධනය සහ භීෂණය රාජ්‍ය සේවකයන් විපක්ෂය වෙත යොමුකිරීමට ප්‍රධාන හේතුවක් උනා. උදාහරණයක් ලෙස මා සේවය කරනා ආයතනයේ හිටපු ප්‍රධානියකු නිතරම සේවකයන් වෙත සුදුවෑන් එවන බවට ප්‍රසිද්ධියේ තර්ජනය කිරීම තුල මෙන්ම විපක්ෂ ක්‍රියාකාරීන් වෙත බොරු චෝදනා එල්ලකර පීඩාවට පත්කිරීම තුල සියයට අනුවකට වඩා පිරිසක් රාජපක්ෂ විරෝධයට පොළඹවනු ලැබුවා. රාජ්‍ය සේවයට නුසුදුසු මහල්ලකු වන අධ්‍යක්ෂක වරයකු මා කල්පිටියට ගාල් කිරීමේ පිඹුරුපත් සකසා තිබුනේ ඔවුන්ගේ දුෂණ ක්‍රියා විවේචනය හේතුවෙනි. කෙසේ වෙතත් රෙජීමයේ පරාජයෙන් පසුව මෙම ප්‍රධානීන් සිය ගෝලබාලයන් නීතියේ රැහැනට හසුවන්නට ඉඩහැර අලජ්ජී ලෙස වසන්වී ගොස් අවසන්.


අප ආයතනයේ පිරිසක් ජනාධිපතිවරණය සඳහා සිදුකල මහජන මුදල් මංකොල්ලයක් ලංකා ඊ නිවුස් හි පළවූ අවස්ථාවක මුදල් බලයෙන් සහ රාජ්‍ය බලයෙන් සියල්ල කලහැකිය යන මතයේ සිටි අප ආයතන ප්‍රධානියකු සේවකයන් ඉදිරියේ පාරම්බෑවේ ලංකා ඊ නිවුස් මිලදී ගෙන එම තොරතුරු දුන් පුද්ගලයා සොයාගන්නා බවය. සල්ලි ටිකක් විසි කිරීම මගින් සඳරුවන් සේනාධීර මිලට ගතහැකි බවද ඔහු පැවසුයේ උපහාසයෙනි.

මෙවන් භීෂණකාරී වාතාවරණයක් තුල ජනපතිවරණ ප්‍රචාරණ ව්‍යාපාරයට දායකව සිටි සමයේ සංගීතය වැනි විෂයක් කෙරෙහි සිත් යොමුකිරීමට මානසික එකාග්‍රතාවක් නොතිබිණ. කෙසේ වෙතත්  බ්ලොග් අවකාශයෙන් ඉවත්වී  මාගේ කාලය වැයකල කාර්යය මල්පල දරා ඇත. රාජ්‍ය භීෂණය මෙන්ම රාජ්‍ය සේවකයන් බැඳ දමා ඇති  බැමි වන නීති රෙගුලාසි මධ්‍යයේ ඒකාධිපති රෙජීමය පරාජය කර දැමීමට සුළුවෙන් හෝ දායකවීමට ලැබීම ගැන මා ආඩම්බර වෙමි.

සියල්ල අවසානයේ නැවතත් ආදරණීය බ්ලොග් මිතුරු කැල වෙත නැවතත් පැමිණෙමි.