Wednesday, November 8, 2017

පැයක කාලයකදී බ්ලොග් අඩවියක් නිර්මාණය කර ගනිමු

පලමු කොටස මෙතැනින් 

බ්ලොග් අඩවි නිර්මාණය සහ යාවත්කාලීන කර පවත්වාගෙන යාම සඳහා ගුගල් වෙතින් නොමිලේ ලබාදෙන සේවාව බ්ලොගර් නම් වෙයි . බ්ලොගර් සේවාව ලබා ගැනීම සඳහා ගුගල් ගිණුමක් අත්‍යාවශ්‍ය වේ. බ්ලොග් අඩවිය ආරම්භ කිරීමට අදහස් කරනා අය බ්ලොග්කරණය තුල සිය සත්‍ය ප්‍රොෆයිලයෙන් පෙනීසිටීමට අකමැති නම් අලුත් ගුගල් ගිණුමක් ආරම්භ කිරීම කලයුතු වෙයි. නමුත් අපගේ අදහස නම් බ්ලොග් කරණය සත්‍ය ප්‍රොෆයිලයෙන් කිරීම වඩාත් යෝග්‍ය බවය.

බ්ලොගර්හි බ්ලොග් අඩවියක් නිර්මාණය කරගැනීම වෙබ් අඩවියක් නිර්මාණය කිරීම මෙන් තාක්ෂණික දැනුම අවශ්‍යය වන අසීරු කාර්යයක් නොවේ. එය නවකයකුට වුවද පැයකට අඩු  කාලයක් තුල තනිවම කරගත හැකි ක්‍රියාවලියකි.


4.1 බ්ලොග් අඩවිය නිර්මාණය කරගැනීම සඳහා පළමුව ගුගල් ගිණුමට ලොග් වියයුතුය. ලොග් වූ පසුව පරිගණක තිරයේ දිස්වන ගුගල් මුලික පිටුවෙහි දකුණුපස ඉහල කෙලවරේ ඇති කොටු සලකුණ ක්ලික් කළවිට  මගින් ගුගල් සේවා මෙනුව තිරයේ දිස් වෙයි. එහි පහලින් ඇති More  මෙනුව ක්ලික් කළ විට පහත තිරය දිස් වනු ඇත.


එම මෙනුවේ ඇති බ්ලොගර් අයිකනය ක්ලික් කළ විට බ්ලොගර් වින්ඩෝව තිරයේ දිස් වෙයි. 




4.2 අලුත් බ්ලොග් අඩවියක් නිර්මාණය කිරීම සඳහා තිරයේ වම්පස කෙලවර ඇති New Blog මෙනුව ක්ලික් කළ යුතුය. එවිට පරිගණක තිරය මැද  අලුත් බ්ලොග් අඩවියක් ලියාපදිංචිය සඳහා වන වින්ඩෝව දිස් වෙයි.


එම තිරයේ අදාළ ස්ථානයේ අලුතින් සාදන්නට අදහස් කරනා බ්ලොග් අඩවියේ නම සහ බ්ලොග් අඩවිය සඳහා යෝජනා කරනා ලිපිනය ටයිප් කල යුතුය. 


එම ලිපිනය දැනට භාවිතා වන්නේ නම් වෙනත් ලිපිනයක් භාවිතා කරනා ලෙස දන්වන පණිවුඩයක් තිරයේ දිස් වනු ඇත. අඩවියේ යෝජිත ලිපිනය භාරගන්නේ නම් දකුණු පස් පහල කෙලවරේ ඇති Create Blog අයිකනය ක්ලික් කිරීමෙන් පසුව බ්ලොගර් වින්ඩෝව තිරයට පැමිණෙයි 


බ්ලොගර් තිරයේ වම් පස මෙනුවේ ඇති Theme මෙනුව ක්ලික් කිරීමෙන් පසුව බ්ලොග් අඩවියේ දළ සැකැස්ම බ්ලොගර් තිරයේ දිස්වෙයි. එහි වම්පස පරිගණක තිරෙයේ සැකසුමද දකුණු පස මොබයිල් තිරයේ සැකසුමද දිස් වෙයි.


අදාළ තිරයේ පරිගණක සැකසුමට යටින් ඇති Customise අයිකනය ක්ලික් කිරීමෙන් පසුව බ්ලොග් අඩවියේ මුල් පිටුව අඩංගු තිරයක් දිස්වෙයි. එම තිරයේ ඉහලින් දැක්වෙනුයේ බ්ලොග් අඩවිය ප්‍රියමනාප ලෙස නිර්මාණශීලීව තේමාවක් සහිතව සකස් කරගැනීමට උපකාරී වන Theme Designer මෙනුවය. 


Theme Designer මෙනුවේ මැද ප්‍රියමනාප ලෙස බ්ලොග් අඩවිය සකස් කරගැනීමට තෝරාගත හැකි තේමා කිහිපයක් දිස්වෙයි. බ්ලොග් අඩවියේ නිර්මාණකරුගේ රසාස්වාදයට අනුව මින් එක් තේමාවක් තෝරා ගත හැකිය. මෙම පාඩම සඳහා මා තෝරාගත්තේ Picture Window නම් වන තේමාවයි. එම තේමාව දැක්වෙන අයිකනය ක්ලික් කලවිට පහතින් දැක්වෙන තිරය දිස්වෙයි 






තේමාව තෝරාගත් පසුව Theme Designer මෙනුවේ වම්පස ඉහල කෙලවරේ ඇති Background මෙනුව ක්ලික් කල විට පහත දැක්වෙන තිරය Theme Designer මෙනුවේ දිස්වෙයි 




එහි Background Image කොටසේ ඇති පහලට දිශා ගතකළ ඊතලය ක්ලික් කිරීමෙන්  පසුව Select Background Image වින්ඩෝව තිරයේ දිස් වෙයි.


මෙම පාඩම සඳහා Select Background Image හි වම පස මෙනුවෙන් Nature මෙනුවේ ඇති පින්තුරයක් තෝරා ගත විට පහත දැක්වෙන තිරයේ දිස්වෙයි.



මේ තිරයේ දකුණුපස ඉහල කෙලවරේ ඇති Apply to Blog අයිකනය ක්ලික් කළවිට නැවතත් බ්ලොගර් තිරය දිස් වේ.

මේ වනවිට නව බ්ලොග් අඩවියේ ප්‍රධාන සැකසුම පිලියල කොට අවසන්ය. අනතුරුව බ්ලොග් අඩවිය සඳහා පරීක්ෂක ලිපියක් එකතු කල යුතුය. මේ සඳහා බ්ලොගර් තිරෙයේ වම්පස මෙනුවේ Posts මෙනුව ක්ලික් කලවිට පහත තිරය දිස්වෙයි



එම තිරයේ New Post අයිකනය ක්ලික් කල විට ලිපිය ටයිප් කිරීම සඳහා වන තිරය දිස්වෙයි


ලිපිය ටයිප් කිරීම සහ මාතෘකාව ටයිප් කිරීම සඳහා වන ස්ථානයන්හි ඒවා ටයිප් කර තිරයේ දකුණු පස ඉහල ඇති Publish අයිකනය ක්ලික් කල පසුව ලිපිය ප්‍රකාශයට පත් වෙයි.


ලිපිය ප්‍රකාශයට පත් වන විට එය Google + මිතුරනට දැන්වීමට අවසරය ඉල්ලන වින්ඩෝවක් තිරයේ දිස්වෙයි. මෙය පරීක්ෂක ලිපියක් බැවින් Cancel ක්ලික් කර එය දැන්වීම වලක්වන්න. 

Cancel අයිකනය ක්ලික් කල පසුව දිස් වෙන  බ්ලොගර් වින්ඩෝව පහතින් දැක්වෙයි. 

මෙම වින්ඩෝවේ වම්පස ඉහල ඇති විවේ බ්ලොග් අයිකනය ක්ලික් කිරීමෙන් ඔබගේ නව බ්ලොග් අඩවිය දිස් වෙයි 

ඔබගේ බ්ලොග් අඩවියේ මුලික සැකැස්ම දැන් සුදානම්ය. අඩවිය වෙත එක් කලයුතු තවත් අත්‍යාවශ්‍ය අංග කිහිපයක් ඇත. ඒවා එකතු කර ගන්නා ආකාරය මීලඟ ලිපියෙන්  බලාපොරාත්තු වන්න.

Sunday, November 5, 2017

බ්ලොග් අඩවියක් නිර්මාණය කරන්නේ කෙසේද? - අංක 01

1. හැඳින්වීම
මෙම ලිපිය ලියවෙන වසර 2017 නොවැම්බර් මස වන විට මෙරට අන්තර්ජාල ලේඛකයන් අතර බ්ලොග් අඩවි ඇරඹීම පිළිබඳව උනන්දුවක් ඇතිවී තිබීම යහපත් ප්‍රවනතාවකි. හදිසියේ මෙම උනන්දුව ඇතිවීමට හේතු සාධක වී ඇත්තේ ෆේස්බුක් හි පරිපාලනය විසින් ෆේස්බුක් පේජ් (Facebook Pages) සහ ෆේස්බුක් මිතුරැ හවුල් (Facebook Groups) හි පළකරනා ලිපි සහ නිර්මාණ, ගිණුම් අයිති කරුවන්ගේ නිවුස් ෆීඩ් (News Feed) හි දිස් නොවන ලෙසින් ඇතිකරනා ලද අභ්‍යන්තර සැලසුමෙහි වෙනස්කමකි. මේ නිසා පෙරදී ෆේස්බුක් මිතුරැ හවුල් හරහා දස දහස් ගණනින් පාඨකයන් වෙත සිය නිර්මාණ ගෙනගිය නිර්මාණ කරුවන් අපහසුතාවට පත්ව සිටිති. දැන් ෆේස්බුක් මිතුරු හවුල් වල ලිපි නිවුස් ෆීඩ් වෙත යොමු කිරීමට මුදල් ගෙවිය යුතුය. මෙම සැකැස්ම ඇතිකිරීමට පෙර බ්ලොග් අඩවි ප්‍රවර්ධනය කරනා ලද්දේද මේ මිතුරු හවුල් හරහාය. අලුත් තත්ත්වය තුල බ්ලොග් අඩවි වෙතට පැමිණෙන පාඨක පිරිසෙහිද සැලකියයුතු අවපාතයක් දක්නට ලැබෙනා බවද කිවයුතුය. එයට හේතුව වන්නේ සිංහල බ්ලොග් පාඨකයා ලුහුබඳින්නන් (Followers) ලෙසින් සිය ප්‍රියතම අඩවි සමග නො බැඳී ෆේස් බුක් මතම විස්වාසය තබා කටයුතු කිරීමය.

මේ තත්වය සමනය කරගැනීම සඳහා විකල්පය වන්නේ බ්ලොග් අඩවි අරඹා ඒවායේ ලිපි පල කිරීමය. අනතුරුව ලිපි ප්‍රවර්ධනය සඳහා ෆේස් බුක් මත පමණක් රැඳී නොසිට ගුගල් ප්ලස් වැනි විකල්ප සමාජ ජාලා සහ සින්ඩිකේටර භාවිතා කිරීමය.

2. බ්ලොග් අඩවියක් ඇරඹීමෙන් ඇති වාසි
ෆේස් බුක් සමාජ ජාලයෙහි  ලිපි පලකළ විට  ඒවා පල කරනා ලද පුද්ගලයාගේ මිතුරු ලැයිස්තුව වෙත වේගයෙන් ගමන් කර ඔවුන්ගේ නිවුස් ෆීඩ් හි දිස් වෙයි. ගිණුමේ සිටිනා තවත් මිතුරන් වෙනත් ලිපි පළකරනා විට පළමු ලිපිය නිවුස් ෆීඩ් හි පහලට ගමන් කරයි. එය නැවත ඉහලට පැමිණෙන්නේ තමා හෝ වෙනත් මිතුරකු එය ලයික්, ශෙයා හෝ කොමෙන්ට් කරනා විටදීය. ගිණුමේ සිටිනා මිතුරන් ලයික් කර අවසන් වූ පසුව ලිපිය දිස් වන්නේ නැත. ලිපිය වරින් වර සහෙයා කිරීම මගින් ටික කාලයක් ඉහලින් තබා ගත හැකි වුවද එය ගිණුමේ මිතුරන් අපහසුතාවට පත් කරනා ක්‍රියාවකි. බ්ලොගර් වැනි වේදිකාවක (Platform) පවතින බ්ලොග් අඩවියක ලිපියක් පල කල විට එය  ස්වයංක්‍රීයව ඊමේල් මගින් බෙදාහැරීමේ ක්‍රමවේදයක් ඇත. ලිපිය පල කල වහාම බ්ලොග් අඩවිය ෆොලෝ කර ඇති සියලු දෙනාට නව බ්ලොග් ලිපිය (Blog Post) පිළිබඳව දැනුවත් කර ඊමේල් පණිවුඩයක් ලැබෙයි. මෙයට අමතරව බ්ලොග් අඩවිය ලියාපදිංචි කර ඇති සියලුම සින්ඩිකේටර වල ලිපිය දිස් වෙයි. කාලයත් සමග සින්ඩිකේටර වල ලිපිය පහලට ගමන් කලේ වුවද ඊමේල් පණිවුඩය දිගටම ගිණුමේ පවතියි.

ක්‍රමානුකුලව ගොඩ නගා ඇති බ්ලොග් අඩවියක පවතින විශාලතම වාසිය නම් ඕනාම කෙනෙකුට අඩවියේ පළකරනා ලද පැරණි ලිපි පහසුවෙන්  සොයාගත් හැකි වීමය.

ගුගල් හෝ වෙනත් ඕනෑම සෙවුම් යන්ත්‍රයක් (Search  Engine) වෙතින් කරුණු සොයනා අවස්තාවේදී අදාළ මාතෘකාව සම්බන්ධිත බ්ලොග් ලිපි පවතින්නේ නම් එම ලිපි වෙත සෙවුම් යන්ත්‍ර මගින් යොමු කරලීම තවත් ප්‍රධාන වාසියක් වේ.

3. බ්ලොග් අඩවි ආරම්භ කල යුත්තේ කොහිද?
සිංහල පාඨකයා ඉලක්ක කරගත් බ්ලොග් අඩවියක් ආරම්භ කළහැකි ප්‍රධාන ආකාර තුනකි
1. බ්ලොගර් (Blogger)
2. වර්ඩ්ප්‍රෙස් (Wordpress)
3. වෙබ් අඩවියක් ආකාරයෙන්

මේ අතරින් සිංහල පාඨකයාට වඩාත්ම යෝග්‍ය ක්‍රමය වන්නේ බ්ලොගර් වේදිකාවේ බ්ලොග් අඩවියක් ආරම්භ කිරීමය. මෙරට බ්ලොග් අඩවි වලින් සියයට අනුනවයක්ම බ්ලොගර් හි පවතින බ්ලොග් අඩවි වීම හේතුවෙන් එය සිංහල පාඨකයාට බෙහෙවින් හුරු පුරුදුය. ලිපිය පිළිබඳව කොමෙන්ට් දැමීමද ඉතාමත් පහසු වීමද  තවත් වාසියකි.

4. බ්ලොගර් හි බ්ලොග් අඩවියක් ආරම්භ කරන්නේ කෙසේද?
(මීළඟ ලිපියෙන් බලා පොරොත්තු වන්න)

Saturday, November 4, 2017

කසීර, ජ්‍යෝෆ්‍රී බේකන් සහ කට්ටකාඩුව

පසුගිය මාස කිහිපය සිංහල බ්ලොග් කලාව තුල වැඩි ප්‍රගමනයක් දක්නට නොලැබෙනා  කාලයකි.  ප්‍රශස්ථ මට්ටමේ ලේඛනයක යෙදුන බ්ලොග් කරුවන් රැසක්ම නිහඬ වීම සහ තවත් බ්ලොග්කරුවන් රැසක් ෆේස් බුක් සරණ යාම මෙයට හේතුව බව නිරීක්ෂණය වේ. පසුගිය වසර තුලදී ලේඛණයේ දක්ෂයන් කිහිප දෙනෙකු බ්ලොග් කරණය ඇරඹුවේ වුවද ටික කාලෙකින් බ්ලොග් කලාව හැර යාම සිදුවුනි. 

මෙරට ප්‍රසිද්ධම සමාජ ජාලය වන ෆේස් බුක් ජාලය තුල බොහෝ ලේකකයන් සිර වී සිටිති. බොහෝ දක්ෂ ලේඛකයන්ගේ අගනා නිර්මාණ ෆේස් බුක් තුල වැළලී යාම කනගාටුවට කාරණයකි. ෆේස් බුක් සමාජ ජාලය  තුල සිටිනා ඉතා ඉහල සංඛ්‍යාවක් වන පාඨකයන් වෙතින් නිර්මාණ සඳහා ලැබෙනා ඉක්මන් ප්‍රතිචාර නිසා ලේඛකයන් බ්ලොග් වෙතින් ඉවත් වී යන  අවදියක අති දක්ෂ නිර්මාණ කරුවන් දෙදෙනෙකු බ්ලොග් අඩවි ආරම්භ කර තිබීම සතුටට කරුණකි. ඉන් පළමුවැන්න නම් සහන් කසීර වික්‍රමසිංහ විසින් දැනට මාස කිහිපයකට පෙර අරඹන ලද කසීර අඩවියයි. දෙවැන්න ලලිත් කරුණාරත්න  විසින් ඉතාමත් මෑතකදී ආරම්භ කරනා ලද ‘ජ්‍යෝෆ්‍රී බේකන්’ අඩවියයි. 

මේ දෙදෙනාම තමන්ගේ පැරණි ෆේස් බුක් ලිපි එකතු කර බ්ලොග් අඩවි දෙක නිමවා ඇත. සහන්ගේ කසීර අඩවිය ඉහල සාහිත්‍යමය වටිනාකමකින් යුතු ලිපි රැසකින් සමන්විතවේ. කසීර අඩවිය තාක්ෂණික අතින් ද ඉහල මට්ටමක පවතියි. එය බෙහෙවින්ම පරිශීලක හිතකාමී (User Friendly) දර්ශනීය නිමවුමකින් යුක්තය. ලිපි සොයාගනීමද පහසුය. 

ලලිත්ගේ අඩවිය තාක්ෂණික අතින් දුර්වලවීම කනගාටුදායකය. නමුත් එහි අඩංගු ලිපි ඉතාමත් සාර ගර්භය. එවන් වටිනා  ලිපි එකතුවක් කිසිදු සිංහල බ්ලොග් අඩවියක නොපවතින බව අතිශයෝක්තියක් නොවේ. මෙම ලිපි එකතුව කියවීමට පටන් ගත් පසුව එය නවතා දැමීමට සිත දුන්නේ නැත. ඒවා එතරම් රසවත්ය. දැනුමෙන් සපිරිය. නමුත් අඩවියේ තාක්ෂණික දුර්වලතා නිසා ලිපි සොයා ගැනීම අති දුෂ්කරය. මෙම අඩවිය බ්ලොගර් වෙතට ගෙන එන්නේ නම් මැනවි.
මෑතකදී පටන් ගන්නා ලද තවත් අගනා බ්ලොග් අඩවියක් ලෙසින් කට්ටකාඩුව හඳුන්වා දිය හැක. මෙහි දැනට ලියවී ඇති ලිපි හතලිහක ප්‍රමාණය  විවිධ තේමා යටතේ රසවත් නිර්මාණ වලින් සමන්විතය. අඩවියේ රචකයා අති දක්ෂ උපහාස රචකයකු මෙන්ම බොහෝ ඇසූ පිරූ තැන් ඇති අයෙකු බව ලේඛණය තුලින් ගම්‍ය වෙයි.