සංගීත චාරිකාවක් 01

අපි සින්දු අහන්න පටන් ගත්තු කාලේ  ජිප්සීස් තමයි  ලංකාවේ ජනප්‍රියම සංගීත කණ්ඩායම උනේ.  මේ කාලේ ක්ලැරන්ස් විජේවර්ධන,එච් ආර් ජෝතිපාල   මිල්ටන් පෙරේරා, ප්‍රියා සුරියසේන, ඉන්ද්‍රානි පෙරේරා වැනි ගායක ගායිකාවන් ජනප්‍රිය සංගීතයේ කොඩිගහ මුදුනේ හිටිය. නමුත් මේ පිරිසට ප්‍රබුද්ධ විචාරකයන් ගෙන් ලැබුන ප්‍රතිචාරය ගැන අමුතුවෙන් ලියන්න උවමනා වෙන්නේ නැහැ.

මේ යුගයේ  බටහිර රට වල සංගීත කණ්ඩායම් අතරින් ඇබා සහ බොනියම් ඉදිරියෙන්ම හිටිය (තව ඉන්න ඇති අපි දැනගෙන හිටියේ නැති උනාට)  මම හතර වසරේ වගේ ඉන්න කාලේ අපේ ගෙදර තිබුන ටු ඉන් වන් සෙට් එකක්. ඕකෙ කැසට් දාල තමයි සින්දු අහන්නේ. තාත්ත සිංගප්පුරු ගිය වෙලාවක එහෙදි රේඩියෝ එකේ ගිය සින්දු වගයක් රෙකෝඩ් කරගන ඇවිත් තිබුන. ඒ තමයි මම මුලින්ම අහපු ඉංග්‍රීසි සින්දු සෙට් එක ඒ අතරින් තවම මතකයේ තියනවා නානා මොස්කියුරිගේ Roses Love Sunshine සහ නිටි ග්රීටි  ඩර්ට් බෑන්ඩ් එකේ  American Dream

ඔය කාලේ ගජ තරුණයෙක් උන මගේ ලොකු අම්මගේ පුතා, සුපෙම් අයියට ඉංග්‍රීසි සින්දු පිස්සුව තදවෙල තිබුන. දවසෙම වැඩේ යුනික් රේඩ්යෝ එක දාගෙන ඉංග්‍රීසි සින්දු අහන එක. එයා ඇබාලගෙයි බොනියම්ලගෙයි කැසට් පීස් දෙකක් රෙකොර්ඩ් කරගෙන ආව  (විනාඩි 90 ම දෙකක්)  අපි දහස් වතා කීපයක්  කන පැලනකල් මේ පීස් දෙක අහන්න ඇති. ඒ අතරින් මට හොඳටම ආස හිතුණු සින්දු කීපයක් පහත තියනවා

Brown Girl in the Ring - Boneym  

Rasputin - Boneym

By the rivers of Babylon - Boneym

Fernando - ABBA 

Chiquitita - ABBA 

I Have a Dream - ABBA 

පොඩ්ඩක් රස විඳලා බලන්න

චාරිකාව තව ගොඩක් දුරයි

දෙවෙනි කොටසින් හමුවෙමු